Kompaña GM Milatos Planu Investe Fábrika iha Timor-Leste

Mario da Costa - Ekonomia · Internasional
Reportajen : Jaime Pires
Editor : Mario da Costa
  • Share

DILI (Timor Post)- Na’in ba Kompañia GM Milatos LDA, George Milatos, husi Austrália, Tersa (02/08), hasoru malu ho Primeiru Ministru, Taur Matan Ruak, hodi ko’alia planu atu halo investimentu fábrika iha Timor-Leste.

“Ohin ami konvoka enkontru ho Primeiru Ministru, hodi diskute ami-nia Planu ne’ebé iha fulan kotuk ami trasa ona katak, ami iha intensaun ida hakarak mai investe iha Timor-Leste iha área fábrika,” nia hateten hafoin enkontru ho Xefe Governu, iha Faról, Tersa (02/08).

ADVERTISEMENT
SCROLL FILA BA NOTISIA

Nia dehan, sira-nia fábrika ne’e atu produz besi sira iha Timor-Leste, tanba ne’e mak ohin mai halo diskusaun ho Primeiru Ministru hodi fó hanoin mós.

Lee Mós:
Alfândega arrecada mais de 34 milhões de dólares para cofres do Estado entre janeiro e julho

“Ami iha modelu produsaun besi ne’e oin tolu, tanba ne’e mak sei lori mai hodi produs iha ne’e hodi bele uza halo uma sira iha Timor-Leste, tanba ne’e ami halo negosiasaun hodi hetan fatin iha Likisá, atu nune’e labele do’ok husi Portu,” deklara nia.

Lee Mós:
Brazil Tulun Vítima Siklone Seroja iha Timor Leste ho Orsamentu Rihun $120

Nia dehan tan, atu loke fábrika ida ne’e sira sei gasta osan billaun tolu ($3.000.000.000), no Kompaña ne’e husi Austrália mak atu loke fábrika ida ne’e iha Timor-Leste.

“Fábrika ne’e ami sei envolve timoroan barak atu servisu iha ami-nia kompañia, ami-nia aprosimasaun durante tinan lima ami sei Rekruta trabaldor 1.000 ital, maibé foin mak hahú atu harii fábrika ida ne’e,” nia promete.

Nia subliña tan, kona-ba materiál sira atu produz besi ne’e sei lori fali husi rai li’ur mak mai hafoin bele uza fali iha Timor-Leste hodi produz besi sira ne’e.

Lee Mós:
Tuberculose é um dos principais problemas em Timor-Leste

“Ohin Primeiru Ministru, simu ha’u ho proposta di’ak tebes, no ha’u mós sente kontente tebes atu servisu hamutuk ho nia,” nia hateten.

 397 total views,  45 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kompaña GM Milatos Planu Investe Fábrika iha Ti…” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: