Díli (Timor Post)- Autoridade Audensia (AA)/Alfândega hatama reseita alfandegáriu ba kofre estadu ho montante hamutuk 40, 589,715,76 USD, durante fulan Janeiru to’o Jullu, iha tinan 2022.
Informasaun ne’e, hatoo husi Komisáriu Alfândega, José António Fátima Abilio, ba Media online Timor Post iha nia knaar fatin, Sesta (29/07).
“Reseita ne’ebé Alfândega koleta husi Janeiru to’o Jullu ne’e, ita konsege hatama ho momtante 40, 589,715,76 USD, ba Konfre Estadu,” nia dehan.
Nia hatutan, osan ne’ebé sira-nia parte hatama ba kofre estadu ne’e, mai husi portu Dili, Batugade, Suai, Baukau no Maliana.
“Osan sira ne’e, husi taxa ne’ebé bain-bain ami Alfândega kobra husi taxa importansaun, taxa sobrevendas ho taxa selestivu inpostu deritivu komsumu no inklui mós husi penalidade balun,” nia informa.
Nune’e mós nia dehan, Alfândega nia taxa ne’e depende ba iha volume importasaun, tinan ida mak importasaun barak entaun númeru taxa ne’e aumenta.
“Se ita halo komparasaun iha tinan kotuk husi tinan 2022, Janeiru to’o iha fulan Dezembru ne’e, 67,947,824.82 USD, ita dehan Montante la hanesan tanba depende mós iha volume importasaun”, nia relata.
Alende nia dehan, ba sidadaun sira ne’ebé mai husi ilegalmente, ne’e normalmente kuandu Alfândega kaer iha prosesu ne’ebé sei aplika.
“Primeiru nia ilegalmemte entaun tenke halo investigasaun, depois se nia halo krime ne’ebé grave entaun ita halo em partisipasaun ba iha Ministériu Públiku, mais nia halo iregualidade mak sansaun administrativa de’it, entaun ita aplika penalidade administrativu, depois haruka selu taxa ne’ebé nia la seluk ne’e, tuir loloos nia selu, maibé nia buka atu liuhusi dalan Ilegál,” nian dehan.
Nia esplika, normalmente nia prosesu atu ba selu ne’e tenke iha banku, nia la selu pesoal ba Alfândega, depois mak nia lori fali evidénsia ka fatura banku nian ne’e, katak nia selu ona mak, sira-nia parte bele autoriza liberta administrasaun.
Maibé, Nia dehan, sira ne’ebé ho krime ne’e automatikamente tenke liuhusi prosesu ida investigasaun hafoin kanaliza ba iha Ministériu Públiku.
1,316 total views, 3 views today
Bele hare Video Seluk :