ADVERTISEMENT

MAP Koordena Servisu ho Xefe Estadu Kona-ba Reabilitasaun Kafé

Mario da Costa - Ekonomia
Reportajen : Mariano Abi
Editor : Asisten Hermenegildo da Costa Tilman
  • Share
Ministru Agrikultura no Peska (MAP), Pedro Reis hamutuk ho ekipa hafoin hasoru Prezidente Republika, Jose Ramos Horta, iha Palasiu Prezidensial, Sesta 29/07), Imajen TP/Mariano Abi

Dili (Timor Post)–Ministru Agrikultura no Peska (MAP), Pedro Reis hamutuk ho ekipa Diresaun Jerál sira, hasoru malu ho Prezidente Repúblika, José Manuel Ramos Horta, diskute kona-ba planu kontinuasaun ba reabilitasaun Kafé.

“MAP simu konvite husi Prezidente Repúblika, José Manuel Ramos Horta, hodi halo koordenasaun serbisu ne’ebé sita liubá planu kontinuasaun atividade reabilitasaun Kafé ne’ebé semana rua liubá, ita halo iha Rai Laku, no Planu kontinuasaun ba Futuru, ne’ebé sei mai tan iha loron 04, sei ba tan iha Aileu, Ainaru no mós planu atividade sira seluk husi Tékniku sira ne’ebé ajusta hamutuk ho hanoin Xefe Estadu nian,” nia dehan hafoin remata enkontru iha Palásiu Prezidensiál, Sesta (29/07).

ADVERTISEMENT
SCROLL FILA BA NOTISIA

Nia dehan, kona-ba atividade ne’ebé sira atu halo maka, hanesan mensiona ona iha leten, no ba iha reabilitasaun Kafé, no liga ba iha orsamentu retifikativu ne’ebé Ministériu propoin, au-mezmu tempu, ho hanoin ne’ebé husi Prezidente Repúblika nian kona-ba fundu Kafé.

Lee Mós:
KNJKTL Introdús Jornada Nasionál ba Xefe Estadu

Entaun hanesan Ministériu Tékniku, presiza halo koordenasaun di’ak, tanba atu implementa ne’e idea mai husi Prezidente Repúblika, mais atu implementa mak Ministériu Tékniku mak implementa, ida ne’e mak MAP halo koordenasaun.

“Kona-ba Fundu Kafé nian ne’e, ho Prezidente Repúblika, nia hanoin di’ak ne’ebé la halimar, tanba ita-nia Kafé ne’e, ita bele sai Kafé na’in mais depois ita produs ita-nia povu agrikultura sira kiak nafatin. Nune’e baralla husi merkadu Internasionál, entaun idea ne’ebé mai husi Prezidente Repúblika, no  Primeiru Ministru hodi halo fundu Kafé, atu nune’e sei Kafé nia folin iha merkadu mundu nian monu, Estadu tenke sosa hotu armajenamentu depois mós haree folin di’ak mak Estadu fó sai,” nia afirma.

Nia subliña, en-felizmente Ministériu nia programa kona-ba reabilitasaun Kafé ne’e la’o hela, maibé nia montante la boot, hanesan ema hotu hatene katak, orsamentu Ministériu nian la boot, tanba MAP iha Diresaun Jerál haat (4), inklui Diresaun Jerál Floresta Kafé no Planta, no mós ninia ekipa Téknika halo revasinasaun, espansaun ho númeru ne’ebé ki’ik tuir orsamentu ne’ebé iha.

Lee Mós:
Tratór 56 Tama Ona Lista Leilaun

“Mais ita iha esperansa boot katak, iha orsamentu retifikativu pelumenus bele tulun Ministériu ba iha atividade sira tomak, hahú husi Primeiru Governu la’o hela, soke ninia númeru mak labele boot, tanba ita-nia totál Kafé iha Timor laran 59.921 Hectares, entaun Ministériu ne’ebé ho orsamentu limita ou ki’ik oan, ita so halo rezaminasaun ba Kafé iha 2000 Hectares’ de’it, mais keta haluha katak, ita la’ós serbisu mesak, maibé ita serbisu hamutuk ho parseiru dezenvolvimentu Setór Privadu sira seluk hanesan, ACT, CCT no sira rasik halo revasinasaun Kafé besik 8000 resin,” nia afirma.

Nia haktuir, ida ne’e maka ajusta hamutuk ho 59.000 ne’e, iha 20.000 mak iha produsaun di’ak ho 190 Kilo Grama (KG) poor hectares kulit mean, mais sira seluk produsaun ki’ik tanba Timor laiha forsa ne’ebé atu halo revasinasaun ba iha Kafé tuan sira ne’ebé agora iha.

Lee Mós:
Xefe Estadu Hasoru Malu ho Timoroan Sira Lakon iha Tempu Invazaun

“Mensajen husi Prezidente Repúblika maka ne’e, Ministériu nafatin hala’o sira nia knaar Téknikamente, sei karik iha pedidu ou hanoin ne’ebé liga Partikulár ba Prezidente, ou sei liga ba asuntu Ministériu nian, no sei halo produsaun hodi la’o ba Futuru, tanba husi Gabinete Prezidente sei la hala’o serbisu ne’ebé Governu nian, maibé sei halo koordenasaun di’ak atu halo atendementu ho responde ba nesesidade bázika karik propoin ba iha Gabinete Prezidente Repúblika nian,” nia hakotu.

 768 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MAP Koordena Servisu ho Xefe Estadu Kona-ba Rea…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: