ADVERTISEMENT

ANPM Presiza Investiga Operadór Postu Kombustivél

Mario da Costa - Ekonomia
Reportajen : Beatriz Belo
Editor : Mario da Costa
  • Share

DILI (Timor Post) – Reprezentante povu husu ba Autoridade Nasionál Petróleo no Minerais (ANPM), atu halo invetigasaun ba operadór Postu Kombustivél sira.

Deputadu husi Bankada Partidu Kogresu Nasionál Rekonstrusaun Timorense (CNRT), Adérito Hugu da Costa husu ANPM atu halo investigasaun ba Operador Postu Kombustivel iha Dili laran, tanba halo espikulasaun iha merkadu.

ADVERTISEMENT
SCROLL FILA BA NOTISIA

“Ha’u hakarak atu dehan públiku pániku dezde horisehik loron tomak, ho espikulasaun ne’ebé mai husi vendedór ba mina sira, espikulasaun ne’ebé ke lamentável tebes iha autoridade sira nonok de’it iha loron rua nia laran no to’o ohin iha tuku 11:00 hafoin mak Autoridade Nasionál Patroleo no Minerais (ANPM) fó sai informasaun ka alerta katak lalika pániku ba Kombustivél”, nia hateten ba Timor Post Online, iha Bebora, Kinta (28/07).

Lee Mós:
ANPM Garante Kuantidade Kombustivél ba Públiku

Nia dehan, Na’in ba Kompania Eto rasik alerta uluk, hafoin ANPM alerta mensajen ba públiku, tuir loloos ne’e halo kedas iha loron horisehik no horibainruak, tanba públiku pantiku no monu ba espikulasaun sira ne’ebé ke vendedór mina ka kompania balun halimar presu merkadu.

Nia hatete, sira halo espikulasaun, tanba Presu mina iha Merkadu ne’e tun ona, tanba sira kompara ona stock ne’ebé iha ne’e hola ho presu ne’ebé aas nian.

“Presu mina tun ona, entaun sira halo espikulasaun loron rua hodi dehan, imi mai hola mina, tanba mina atu laiha ona, buat ida ne’e, halo espikulasaun iha merkadu ne’ebé negativu, tuir loloos ne’e ita-nia ANPM tenke halo prosesa investigasaun ba operadór postu nian ka Kombustivél iha ita-nia rai laran, ” nia hateten.

Lee Mós:
Posibilidade Planta LNG La Harii iha Beasu, Xanana Lidera Peskija Alternativa iha Natarbora

Nia esplika, Pertamina Eto ne’e privadu, ohin halo deklarasaun dehan mina Kombustivél ne’e iha hela, sira operadór postu kombustivél iha Dili laran, halo antisipadamentu iha loron rua ne’e, atu halo merkadu sira pániku ba espikulasaun.

“Ida ne’e hanesan esperiensia ida, para ba oin ne’e ita la bele akontese tan, nufin benefisiu mak husi povu nia pániku, husi sira ne’ebé operadór postu kombustivél nian,” nia dehan.

Signifika, la’ós mina mak laiha, maibé ne’e espikulasaun halo husi kompania sira ne’ebé operadór postu kombustivél nian iha rai laran.

“Tanba ne’e, mak ohin dadeer ne’e akontese trafiku iha Dili laran ne’e at loos, tanba de’it ita-nia ema hotu halai ba buka postu kombustivél nian,” nia afirma.

“Hau rasik ohin dadeer observa iha Dili laran, ha’u kuandu ba iha estasaun kombustivél Eto hodi enxe hela mina, maibé ba iha fatin-fatin ne’e, dehan Eto taka, maibé ha’u hatan dehan la taka ida loke hela sira besok,” nia konta.

Lee Mós:
USAID Apoiu Millaun 14.9 USD Hodi Dezenvolve Kristu Rei

Tanba de’it, espekulasaun ne’ebé ke envolve sira operadór postu kombustivél nian mak halo ba iha merkadu negativu.

Ikus nia dehan, aktus ida ne’e tenke regulariza sira atu la bele akontese tan hanesan ne’e, tanba kestaun ida sira dehan mina sae ka hola stock barak, depois derepente mina nia folin tun, entaun sira tenke halo sakrifika ema konsumidór sira, nune’e aat liu mak kontribui ba tráfiku ida grave tebes.

 201 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ANPM Presiza Investiga Operadór Postu Kombustivél” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: