ANPM Garante Kuantidade Kombustivél ba Públiku

Dili (Timor Post)- Autoridade Nasionál Petróleo no Minerais (ANPM), desmente kuantidade kombustivel menus iha Timor Leste.

Tuir komunikadu imprensa Timor Post Online asesu, Kinta (28/07), ANPM hakarak informa ba públiku katak fornesementu (Stock) Kombustivél (Gazolina no Gazoleo) iha armazen bo’ot rua hanesan Pertamina International Timor (PITSA) iha Praia dos Coqueiros no Esperanca Timor Oan (ETO) iha Hera sufisiente hela hodi bele atende nesesidade konsumidores iha Timor laran tomak.

SCROLL FILA BA NOTISIA

Lee Mós :

ANPM pede celeridade na atribuição do subsídio para combustíveis de transportes

ANPM mos hakarak informa katak oras ne’e Ró tula kombustivel atraka ona iha Ponte Kais Armanezen Kompañia PITSA nian no sei halo deskaregamanetu ohin loron kuantidade Gazolina hamutuk litru tokon 2 resin (2.494.372 litru) no Gazoleo tokon 1 resin (1.632.203 litru). Enkuantu ANPM sei konfirma kuantidade kombustivel iha Armazen Kompañia ETO nian, maski nune’e, kompania ETO fó sai ona iha sira-nia pájina media sosiál katak sira iha rezerva kuantidade ne’ebé sufisiente.

Lee Mós :

ANP Halo Inspesaun ba Abastesimentu Kombustivel Aitula Fuel

Kompania PITSA no ETO hanesan distributor bo’ot rua iha Timor-Leste sempre importa Kombustivél tuir kalendáriu importasaun no mós depende ba nesesidade iha rai laran. To’o agora laiha interupsaun ba kalendáriu importasaun Kombustivél.

Ho nune’e ANPM apela ba Públiku katak atu la presiza paniku ho rumores ka boatus kona-ba Kombustivél menus iha armazen ho retallu sira. Ho kolaborasaun di’ak tomak hamutuk ho importadores ho postu abatesementu kombustivel sira hotu ANPM sei garantia distribuisaun kombustivel iha merkadu ho efetivu no efikas.

1,853 total views, 3 views today

Oinsa Ita nia Reaksaun iha Notisia Nee?