ADVERTISEMENT

Komunidade Hobur Estasaun Kombustivél

Mario da Costa - Ekonomia
Reportajen : Beatriz Belo
Editor : Mario da Costa
  • Share

DILI (Timor Post)- Ameasiadu laiha Kombustevél iha Timor-Leste (TL), komunidade sira hobur iha Estasaun sira.

Tuir motorista, Jaimito da Costa, sira antrian la’ós foin ohin, maibé loron tolu ona mak iha pertamina hanesan ne’e.

ADVERTISEMENT
SCROLL FILA BA NOTISIA

“Ami sente triste tanba de’it dehan, mina la tama ona, entaun pertamina sira taka hotu, ohin ha’u ba uluk pertamina kuluhun, maibé antrian no ha’u mai fali iha pertamina Eto mós hanesan, se karik nune’e oinsá ami buka pasajeiru,” dehan nia ba Media online Timor Post, Kinta (28/07).

Nia dehan, horisehik mós sira antrian tanba ne’e ohin atu mai enxe mina, maibé kontinua, la’ós sira de’it maibé ema funsionáriu barak mak antrian hanesan ne’e.

Lee Mós:
Kontrola Tabaku Ilisitu, AIFAESA,I.P-PNTL Halo Inspesaun

“Tanba ne’e ita husu Governu oinsá mak buka mekanismu atu resolve ida ne’e, se kuandu mina mak la hatama oinsá ita buka pasajeiru, la’ós ami pasajeiru de’it maibé ita-nia funsionáriu no sidadaun sira ne’ebé uza transporte mak buka moris,” nia preokupa.

Alende ne’e tuir funsionáriu Realistic Full, la kohi dehan nia naran, hatete sira la loke pertamina tanba mina mak la tama, tanba ne’e mak sira mai hein iha ne’e, atu fo hatene ba komunidade sira katak mina laiha.

Lee Mós:
PM Taur Husu BTL Garante Bee Moos Ba komunidade

“Ami ohin mai hein iha ne’e, atu fó hatene ba ita-nia sidadaun sira katak sira la loke pertamina, tanba razaun dehan laiha mina,” nia informa.

Nia dehan, mina dezde loron tolu mak laiha ona, la’ós foin mak akontese katak mina laiha.

“Tuir informasaun, ami rona husi ami-nia patraun katak, orsida meudia mak mina foin tama, mina iha ona ró laran maibé seidauk hasai,” nia relata.

Alende ne’e nia dehan, sira orsida loke pertamina maibé ba de’it karreta sira ne’ebé persiza mina gazoel, mais kona-ba mina gazolina mak laiha ona.

Lee Mós:
Povu Kontente Fa'an Produtu Iha Dili

Tuir Timor post nia observasaun iha terenu haree katak, sidadaun barak mak antrian iha pertamina rua, hanesan pertamina Eto ho pertamina Kuluhun, Enkuantu pertamina husi sira seluk hanesan iha area Bekora nia taka hotu, tanba mina laiha.

Enkuantu, tuir informasaun ne’ebé Timor Post asesu iha terenu, kuaze komunidade sira ne’ebé hela besik mós ba hadau malu hola mina,atu nune’e sira bele faan fali iha liur.

 965 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Hobur Estasaun Kombustivél” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: