ADVERTISEMENT

Incanto Group Rekruta Traballadór 16 Arranka ba Dubai

Mario da Costa - Ekonomia
Reportajen : Cardenio Alves
Editor : Mario da Costa
  • Share

DILI (Timor Post)- Setór Privadu Ajensia Incanto Group iha Timor Leste, rekruta traballadór Timoroan na’in sanulu-resin-ne’en (16) ba servisu iha nasaun Dubai.

“Incanto Group, hanesan ajensia legál ida ne’ebé hetan rekonesimentu husi Governu, no la’ós hanesan ajensia sira seluk, ne’ebé lori Timoroan ba servisu ho ilegal”, Dehan Prezidente Incanto Group, Joanico Jerónimo, iha Timor Plaza, Sábadu (23/07).

ADVERTISEMENT
SCROLL FILA BA NOTISIA

Nia dehan, programa rekrutamentu Timoroan ba servisu iha Dubai, ne’e prosesu naruk durante Incanto Group ho Sekretáriu Estadu Formasaun Profisional Empregu (SEFOPE), Ministériu Negósiu Estranjeiru no Kooperasaun (MNEK), koordenadór Expo Dubai no mós Polisia Migrsaun halo akordu nu’udar programa setór públiku.

“Liuhusi rekrutamentu ida ne’e, Ajensia Incanto Group halo Konferénsia ida ba traballadór no nia reprezentante inan-aman sira atu haten Informasaun loloos, antes aranka ba Dubai”, nia hateten.

Nia hatete, objetivu konferénsia ne’e atu traballadór Timoroan sira sai kandidatura bele lori sira-nia inan-aman atu mai rona no haree saida mak Ajensia Incanto ne’e esplika ba Sira, tanba durante ne’e ajensia barak mak deploy Timoroan sira, sai ba servisu no hetan vítima iha ema nia nasaun.

Lee Mós:
Traballadór Timoroan Na'in-41 Ohin Arranka Ona Ba Korea

Nia dehan, dignidade nasaun ne’e importante, nune’e dignifika imi-nia a’an iha ema nia nasaun, hodi sai espiritu nasionalizme no patriotizmu nafatin ba dignidade nasaun nian.

Traballadór Timoroan sira ne’ebé atu ba iha loron tTersa-feira ne’e, ba Dubai, kompostu feto na’in sanulu-resin-ne’en, sira mesak feto de’it, sira iha Dubai, kompania hardisk nian.

Traballadór sel-seluk sei aranka tuir semana-semana, maibé depende ba sira nia viza mai, no viza ne’e rasik, husi ajensia Jobs Global, mak responsabiliza, tanba ne’e sira husi traballadór atus rua ualunulu-resin-haat (284) sei hein viza iha prosesu badak nia laran.

Alende ne’e nudar Koordenadór Sekretáriu Estadu Formasaun Profisional Empregu (SEFOPE), Paul Alves, hatete programa ne’ebé Incanto Group halo ne’e legál ba Timoroan sira.

Tanba ne’e nu’udar oportunidade di’ak ba Timoroan sira, nune’e labele lakon oportunidade ida ne’e hodi prepara imi nia a’an iha lingua Inglesh.

Lee Mós:
Fulan Rua, PNTL Hatama Reseita 69 Mil Ba Kofre Estadu

“Durante ne’e hosi Governu SEFOPE rasik no MNEK, no Expo Dubai, Ajensia Incanto Group, halo enkontru komun ida iha Dubai, kona-ba asuntu lori Timoroan ba servisu iha ne’eba.

Nia dehan, iha altura ne’ebáa husi Ajensia Incanto Group ho Jobs Global Asina Akordu ida katak atu lori Timoroan sira ba servisu iha Dubai, ho durasaun tinan rua no ikus realiza duni ba promesaun akordu ne’ebé iha.

“Programa ne’ebé hanesan ajensia Incanto Group halo, futuru sei servisu hamutuk ho SEFOPE, hodi haree ba situasaun dezempregu iha rai laran, liuliu Timor-Leste, atu loke dezenvolvimentu ne’ebé iha benefisiu ba povu no nasaun”, nia hateten.

Nia dehan, hanesan traballadór labele haluha imi-nia nasaun, hetan privilejiu ida haluhan identidade kultura iha imi-nia nasaun, tanba ne’e hanoin globál, asaun iha lokál, servisu di’ak, hodi valoriza moris hodi kontribui ba dezenvolvimentu nasaun.

Iha parte seluk, nu’udar Doutor Expo Dubai, Manuel Vong, agradese ba ajensia Incanto group hanesan setór privadu ida bele halo progarama hodi ajuda nasaun no estadu.

Lee Mós:
SEFOPE Entrega Hikas Mate Isin Joao ba Familia

Ajensia Incanto Group bele loke ona oportunidade hanesan merkadu produtu no merkadu servisu, no daudaun ne’e hatudu ona iha Timor-Leste, katak atu rekruta Timoroan sira ba servisu iha Dubai.

Nia dehan, Oportunidade ida ne’e di’ak ba nasaun no Estadu Timor-Leste, tanba bele servisu tuir Lei no regras ne’ebé iha, hanesan konesimentu lingua Inglesh ne’ebé di’ak, tanba iha ema nia lei tenki hatudu vestuariu ne’ebé refleta duni hanesan rasionalidade.

Nia akresenta, akordu ida ne’e, husi ajensia Incanto Group ho ajensia Jobs Global, ne’ebé halo akordu ida atu rekruta Timoroan sira ba servisu iha Dubai, tanba ne’e agradese ba sira-nia kna’ar durante ne’e kontribui ba nia nasaun no povu tomak.

Hanesan traballador Timoroan sira, tenki hatudu hahalok ne’ebé di’ak, hodi adopta servisu no konesimentu, bele mai investe fali iha Timor-Leste.

 344 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Incanto Group Rekruta Traballadór 16 Arranka ba…” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: