ADVERTISEMENT

Traballadór Timoroan Labele Hasees Aan Husi Sistema

Mario da Costa - Ekonomia · Internasional
Reportajen : Mariano Abi
Editor : Asisten Hermenegildo da Costa Tilman
  • Share
Embaixadóra Timor-Leste (TL), ba Australia, Ines Maria de Almeida. Imajen TP/ Mariano Abi

Dili (Timor Post)–Embaixadóra Timor-Leste (TL), ba Australia, Ines Maria de Almeida, apelu ba Traballadór Timoroan sira ne’ebé atu ba serbisu iha Australia, labele hasees aan husi programa ou sistema.

“Ita iha Timor-Leste iha Lei, Australia mós iha nia Lei, agora ita bainhira nu’udar traballadór, ita asina kontratu ho kompañia. Governu asina MOU entre Governu, entaun Governu tenke tau matan ba nia sidadaun agora bainhira ita asina kontratu, ita tenke kumpre, la’ós ita to’o iha Australia, ema mai halo manobra ba ita-nia kakutak, nune’e ita hasees tiha husi kontratu ne’ebé ita hetan, hodi ba fali ho ema seluk, depois ita aplika ba iha bai-bain sira bolu Temporary Protection Visa,” nia hateten hafoin remata serimónia despedida traballadór Timoroan sira iha Timor Plaza, Suai Room, Kuarta (20/07).

ADVERTISEMENT
SCROLL FILA BA NOTISIA

Nia esplika, agora husi Temporary Protection Visa ne’e ba de’it sira ne’ebé refujiadu, hanesan sei iha nasaun ne’ebé iha problema ruma ou krize ruma, ne’e bele ba hela iha ne’ebá. Maibé sei Traballadór Timoroan sira balu hanoin atu halai sai husi sistema, hodi hela permanente iha ne’ebá, ne’e Governu Australia la fó dalan, sira fó de’it ba ema ne’ebé refujiadu.

Lee Mós:
RI Halo Estrada Tama Territóriu TL, MNEK Laiha Informasaun

“Nune’e Australia fó dalan de’it ba ema sira ne’ebé refujiadu. Sei ita-nia traballadór Timoroan ne’ebé hanoin atu halai sistema, ne’e tenke iha razaun forte, bainhira o nia rai hetan persegisaun polítika, ou tanba o nia rasa, o nia relijiaun, ou tanba o nia pertense grupu ida ne’ebé karik Governu la aseita. Mais tenke iha evidénsia makaas. Agora ha’u husu ba ita-nia Timoroan ne’ebé hetan buat sira hanesan ne’e? Ita iha Timor-Leste laiha problema ruma,” nia relata.

Lee Mós:
Somocho Husu Progresu Servisu Fronteira Maritima Ba Xanana

Entaun nu’udar Timoroan labele uza oportunidade ida ne’ebé Governu Australia fó ona, depois buka maneira hodi hasees aan husi programa ne’e, ida ne’e sala no agora sira iha ona data best hodi tuir entrevista, bainhira sira hatama no hetan ona iha sistema Australia nian kona-ba Temporary Protection Visa, husi ne’e mós fó brigjen visa ba sira, husi ida ne’e mak fó diretu hodi serbisu, enkuantu sira hein hela rezultadu ba aplikasaun ne’e, mais ne’e la signifika sira sei hetan, Australia sei rejeita, tanba sira laiha baze atu hetan hanesan refujiadu para hela iha Australia.

Lee Mós:
UD Palma Hatama Motorizada Unidade 552

“Horisehik ha’u simu informasaun kona-ba ema na’in-500 mak atu aplika ba Temporary Protection Visa, husi ida ne’e, 170 mak sira rejeita tiha ona, portantu sira tenke tuir mós prosesu iha Australia, husi ida ne’e mak kaer ona sira, sei sira mai iha Timor, no sira laiha ona oportunidade atu ba fali Australia,” nia hakotu.

 538 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Traballadór Timoroan Labele Hasees Aan Husi Sis…” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: