ADVERTISEMENT

Ekipa Telemor Aprezenta Atividade ba PR Horta

Mario da Costa - Ekonomia
Reportajen : Mariano Abi
Editor : Mario da Costa
  • Share
Diretór Jerál Telemor, Tran Van Bang, ho ekipa, iha Palásiu Prezidensiál Bairru-Pité, Segunda (11/07). Imajen TP/Mariano Abi

DILI (Timor Post)–Delegasaun Kompañia Telemor, ne’ebé lidera husi Diretór Jerál, Tran Van Bang, ho ekipa ohin hala’o enkontru ho Prezidente Repúblika José Manuel Ramos Horta, hodi hato’o relatóriu ba atividade ne’ebé durante ne’e sira hala’o iha Timor-Leste.

“Ohin ami kontente ho vizita ofisiál mai hasoru Prezidente Repúblika, ba dala uluk, ami kongratula ba nia segundu mandatu nu’udar Prezidente. Ho nia lideransa sei hadi’a kresimentu ekonomia no dezenvolvimentu nasionál,” nia hateten, hafoin remata enkontru ho Xefe Estadu, iha Palásiu Prezidensiál, Bairru-Pité, Segunda (11/07).

ADVERTISEMENT
SCROLL FILA BA NOTISIA

Nia hatutan, iha enkontru ne’e sira relata ba Prezidente Repúblika, kona-ba Telemor nia ezisténsia durante tinan 10 iha Timor-Leste.

Lee Mós:
PR Horta Kondekora Jenerál Tolu no Eis Jenerál Ida hosi Estranjeiru

“Tinan 10 dezde 2012, ami halo mudansa barak hodi hadi’a telekomunikasaun iha Timor-Leste, ami promove dezenvolvimentu teknolojia, hadi’a moris sosiál, no atendementu telekomunikasaun, ami sente priviléjiu no hakarak sai númeru um operadór telekomunikasaun iha Timor-Leste,” nia afirma.

Nia dehan, husi enkontru ho PR Horta sira hato’o asuntu ida seluk, maka solusaun ICT iha Timor-Leste durante tinan 10 nia laran, hanesan Sinema, Mosan, no seluk tan.

“Ami ko’alia mós kona-ba vizaun no estratéjia ba tinan hirak tuir mai, atu hasa’e kualidade liña internet. No sira mós haree ona planu Governu nian, mak sei dada kabu submarinu, entaun Telemor mós planu atu introdús teknolojia 5G, no koneksaun Broadband iha Timor-Leste”, nia promete.

Lee Mós:
UNICEF Kontinua Apoiu MEJD no MS Implementa Programa Iron Folic Acid

Enkuantu hafoin remata hasoru malu ne’e, Prezidente Repúblika, José Manuel Ramos Horta, apresia tebes ho Telemor, no hato’o nia suporta no apoiu tomak ba atividade hirak ne’ebé Telemor realiza iha Timor-Leste, durante tinan 10 nia laran.

“Iha biban hanesan Prezidente Repúblika, hato’o mós ninia admirasaun ba Governu Vietnam, la’ós de’it ba istória ne’ebé nia iha, maibé liuliu iha parte evolusaun ekonómika, no dezenvolvimentu ne’ebé Governu Vietnam hatudu durante ninia ezisténsia,” sita PR Horta ninia mensajen husi portavós PR.

Lee Mós:
PM vai realizar pagamento do subsídio aos idosos em Liquiçá

Nune’e, PR Horta hato’o ninia suporta ba Vietnamita sira hotu ne’ebé hakarak mai investe iha Timor-Leste, no ninia apoiu tomak iha ámbitu rejionál, bilateral, no mós iha ámbitu Internasionál.

“Prezidente Repúblika José Ramos Horta, hakarak haforsa liután, relasaun ho Governu Vietnam, la’ós de’it iha ámbitu dijitalizasaun teknolójika, maibé liuliu iha ámbitu produsaun agríkola,” nia hakotu.

 1,239 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ekipa Telemor Aprezenta Atividade ba PR Horta” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: