DILI (Timor Post)- Ministru Justisa (MJ), Tiago Amaral asina ona akordu kona-ba arendamentu rai Estádiu Munisipál Dili no Kampu Demokrasia hodi Federasaun Futeból Internasionál (FIFA) sulap sai kategoria Internasionál.
“Ohin Ministériu Justisa entrega totalmente rai Kampu Demokrasia ba Federasaun Futeból Timor-Leste, no asina kontratu ba arendamentu Estádiu Munisipál Dili, hodi FIFA atu konstrui Estádiu rua ne’e ho kategoria Internasionál hotu,” dehan Nia iha Edifísiu Ministériu Justisa, Kaikoli hafoin asina akordu arendamentu ho Federasaun Futeból Timor-Leste no reprezentante FIFA, Segunda (13/06).
Nia aumenta, tanba Estádiu rua ne’e FIFA mak sei halo hotu, maibé Kampu Demokrasia ne’e entrega totalmente ba FFTL ona, enkuantu Estádiu Munisipál Dili FIFA mak sei konstrui maibé kontratu ho governu durante tinan-45 Estádiu ne’e governu nia ona, maibé bele mós aumenta kontratu.
“Maibé durante tinan 45 nia laran ne’e sira mós tenke selu arendamentu ba estadu, depois to’o ida ne’e Estádiu ne’e governu nia ona karik sira la kontinua kontratu,” dehan Governante ne’e.
Enkantu kontratu arendamentu Estádiu Munisipál Dili no Kampu Demokrasia ne’e, assina husi Ministru Justisa, Tiago Amaral no Prezidente Federasaun Futeból Timor-Leste, Francisco Jeronimo no Rigional Office Development Manager FIFA, Livig Vigneshe, inklui Financial Governance Programme Manager, Mehmet Dirlik, Akompaña husi Sekretáriu Estadu Juventude no Desportu, Abrão Saldanha.
3,214 total views, 3 views today
Bele hare Video Seluk :
Subscribe to Timorpost
