ADVERTISEMENT

Enkontru TLDPM, PR Horta Husu Lider Hotu Tenke Refleta ba Sira Nia Faillansu

Mateus da Cruz - Ekonomia · Internasional
  • Share

Jornalista: Jaime Pires/ Editor Augusto Sarmento

DILI (Timor Post)- Prezidente Repúblika (PR), Jose Ramos Horta husu ba lider Timoroan sira hotu-hotu tenke refleta ba sira nia failansu ne’ebé mak halo ona iha nasaun ida ne’e.

ADVERTISEMENT
SCROLL FILA BA NOTISIA


“Iha ita-nia aniversáriu independénsia ba dala 20, ita tenke selebra duni progresu ne’ebé ita halo ona to’o agora, maibé ho aten-brani no haraik-an, ami mós tenke refleta ami-nia faillansu. No “ami” ha’u refere ba ami lider Timoroan sira iha tempu hotu-hotu, oinsá ita falla ba inan no oan sira iha nasaun ida-ne’e,” dehan Nia iha Diskursu hafoin partispa iha enkontru Timor-Leste ho Parseiru Dezenvolvimentu (TLDPM), iha Ministériu Finansas, Segunda (10/06).

Lee Mós :
Prekondisaun ba Papa Francisco Vizita Timor Leste

Nia reforsa tan, lieer hotu tenke husu ba ida-idak nia an, Restaurasaun Independénsia tinan 20 ona maibé labarik sira kontinua moris iha liña probeza nia laran.

“Ita tenke husu ita nia-an oinsá aniversáriu independénsia ba dala 20, nasaun ida-ne’ebé ho rekursu finanseiru adekuadu ne’ebé razoavel, iha metade husi ninia labarik sira moris iha liña pobreza nia okos (liu ema adultu sira), nasaun ida-ne’ebé iha mortalidade neonatál ás liu iha rejiaun, no nasaun ne’ebé kada labarik daruak sofre malnutrisaun, nu’udar taxa malnutrisaun ne’ebé ás datoluk iha mundu. Ida-ne’e simplesmente la-asetavel,” deklara Nia.

Lee Mós :
Kuba Agradese Timor-Leste kontinua fó Apoiu kontra Blokade Sira

Nia subliña, investe maka’as iha eletrisidade ne’ebé agora asesu ona husi povu 96.1%, investe ona iha estrada nasionál no estrada rurál, investe iha Kapital Umanu. Desde tinan 2002, médiu esperansa moris aumenta ba tinan 10 liu. Iha 2002 iha doutór Timoroan na’in 20, ohin loron iha ona doutór liu 1100.

Aumenta tan, maibe tansá mak kompete ba dezenvolvimentu kontinua husik hela oan no inan sira iha kotuk, sira-nia nesesidade no kuidadu husi lider, nu’udar lider no ema ne’ebé foti desizaun polítika iha nasaun ida-ne’e, kuaze hanesan reflesaun ida liga ba aprovasaun legislasaun ne’ebé nesesáriu, no aloka orsamentu governu ne’ebé adekuadu ba populasaun 42% iha nasaun ida-ne’e – mak ita-nia oan sira.

Lee Mós :
Prezidente Repúblika Promulga Dekretu-Lei  Apoiu Estraordinários ba Insersaun iha Merkadu Traballu

“Ha’u-nia apelu ba ami-nia Governu, Parlamentu no Parseiru Dezenvolvimentu mai ita servisu hamutuk, hotu-hotu sein exesaun, Governu no Opozisaun, lider Igreja Katólika no relijiaun sira seluk, setór privadu, sosiedade sívil, xefe suku, atu iha Timor-Leste ida ne’ebé laiha tan bebé mate bainhira moris, no ida ne’ebé labarik hotu-hotu saudavel nutrisaun di’ak aprende no seguru.

Jornalista: Jaime Pires

 1,051 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Enkontru TLDPM, PR Horta Husu Lider Hotu Tenke …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No