ADVERTISEMENT

AIFAESA Deteta Fatin Faan Naan Fresku iha Komoro La Ijiéniku

  • Share
Foto AIFAESA

DILI (Timor Post)—Autoridade Inspesaun, Fiskalizasaun ba Atividade Ekonómika, Sanitaria no Alimentár (AIFAESA), hala’o inspesaun ba fatin faan naan ho naran Talho, hodi haree direta kona-ba verasidade ekipamentu (dasin), kualidade no presu.

“Kona ba kualidade fatin, ami haree triste, fatin ne’e la merese fa’an naan ba públiku tanba fatin fo’er tebes,” Inspetór Jerál AIFAESA, Ernesto Monteiro, ba Timor Post, iha knar fatin Matadouru, Kinta (07/10).

ADVERTISEMENT
SCROLL FILA BA NOTISIA


Kona-ba kualidade dasi no presu, nia dehan, sei di’ak no folin naan fahi no karau sei tuir standard normal, ba primeiru karne (naan) ne’e $8.00, segundu karne $7.00 no naan teen $5.00 no naan ruin $3.00.

Lee Mós :
Kooperativa KFT Atribui Rendimentu Annual 2023

“Karau teen, fahi teen, karau no fahi mós kesi iha ne’ebá, haree fatin la merese atu kesi,” nia kesiona.

Ho situasaun sira ne’e, AIFAESA daudaun ne’e fó karta xamada ba fatin Talho hanesan eis merkadu Komoro, atu bele hadi’a fatin fa’an naan nian.

Tanba ne’e, na’in ba Talho kompromete ba ekipa AIFAESA atu hadi’a fatin refere iha tempu badak. Karik fulan ida nia laran mak la hadi’a provizoriamente sei taka atividade, atu nune’e sira bele hadi’a tiha fatin mak loke fali.

Portantu, objetivu husi inspesaun ne’e iha parte tolu ne’ebé importante; primeiru dasi ne’ebé uza hodi tetu na’an, segundu kualidade ijiene ba fatin fa’an naan nian no terseiru presu.

Lee Mós :
Fulan Rua, PNTL Hatama Reseita 69 Mil Ba Kofre Estadu

Aleinde ne’e mós, iha informasaun balun katak, naan karau sira balun kahur ho naan kuda, maibé Inspetór Jerál ne’e hateten, ida ne’e tenke liuhusi laboratóriu ka peskiza ruma mak foin bele deteta.

Tanba ne’e, nia alerta ba estabelesimentu sira atu nune’e mantein kualidade produtu no presu inklui tenke iha ijiene ba públiku atu konsumu.

Enkuantu, hala’o inspesaun no fiskalizasaun ba Talho ou (fatin fa’an naan) iha eis Merkadu Komoro ne’e lidera husi Inspetór Jerál no Sub Inspetór Jerál ho Diretór, Tékniku Risku ai-han no Laboratóriu.

Foto AIFAESA

Nia hatete, iha inspesaun no fiskalizasaun ne’e, ekipa AIFAESA halo kontrolu ba dasin ne’ebé utiliza husi operadór sira, aleinde ne’e ekipa verifika mós kondisaun Ijiene no fatin konservasaun hanesan konjeladór.

Lee Mós :
BNCTL Abranje Tan Nia Sukursál Ida Iha EDTL Kaikoli

Iha verasidade ekipamentu (dasin), ekipa verifika laiha irregularidade, ba ijiene nia ne’e la favoravel.  Nune’e inspetór sira konvoka ba na’in estabelesimentu 3, hodi halo justifikasaun iha edifísiu AIFAESA Matadouru.

Entretantu, atividade ne’e hetan apoiu seguransa husi Polisia Nasionál Investigasaun Kriminál (PNSIK) no Ministériu Turizmu Komérsiu Indústria.(jho)

 641 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AIFAESA Deteta Fatin Faan Naan Fresku iha Komor…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No