ADVERTISEMENT

Pos COVID-19: Deputadu sira Preokupa ho Ezame Nasional ba Estudante Sira

Timor Post - Edukasaun
  • Share

Timor Post (22/08/2020)—Reprezentante Povu iha uma fukun Parlamentu Nasionál (PN), preokupa ho preparasaun Ministériu Edukasaun Juventude Desportu (MEJD) nian kona-ba matrix ka pontus ba ezame nasionál nian, tanba iha tinan ida ne’e eskola hotu-hotu la funsiona, kauza hosi pandemia COVID-19.

Deputadu Bankada CNRT, Gabriel Soares, hatete la kleur tan estudante sira hasoru ona ezame nasionál, nia parte konfirma ba komisaun G (trata asuntu edukasaun), atu haree konteúdu matéria ne’e oinsá, tanba iha ano letivu ida ne’e eskola hotu la funsiona.

“Ita hare ano letivu ida ne’e eskola la funsiona másimu, ita nia oan sira nia aproveitamentu iha prosesu ensinu aprendizajen mínimu tebetebes. Ita haree took matrix ba elaborasaun pontu ezame nasionál ne’e la’o oinsá, liuliu ba komisaun G, atu haree asuntu ida ne’e, tanba ida ne’e importante tebes liga ho ita nia oan sira nia futuru edukativa nian”, Gabriel konfirma foin lalais ne’e.

Enkuantu is Ministru Edukasaun, atuál deputadu Bankada PD, Antonio da Conceição, apresia eskola CAFÉ, hanesan eskola ida referénsia ne’ebé durante ne’e bele sai hanesan eskola módulu ba Timor-Leste tomak, maibé infelizmente bainhira pandemia COVID-19 professors portugézes fila hotu ba Portugal eis ministru husu ba governu atu haree kestaun ne’e ho sériu, tanba ezame nasionál besik ona.

“Eskola ne’e la’o hela, maibé bele dehan la’o la di’ak, tanba hela de’it profesór timoroan. Karik Ministériu Edukasaun bele tetu took oinsá para atu lori profesór sira ne’e mai tanba besik ona ezame nasionál, se ita nafatin husik hela profesór sira ne’e iha ne’ebá, eskola ida ne’e konserteza afetadu liu iha tinan ida ne’e nia laran”, Antonio sujere.

Hatán ba preokupasaun ne’e Sekretáriu Estadu Komunikasaun Sosiál, Mericio Juvenál dos Reis “Akara” ne’ebé reprezenta Governu hateten, sei hato’o preokupasaun sira ne’e ba Ministériu relevante hodi toma atensaun.(Jornalista: Julio Salinas Soares)

 753 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pos COVID-19: Deputadu sira Preokupa ho Ezame N…” A few seconds ago

Lee Mós :
MEJD-PI Asina MoU Kontinua Promove Programa Ualu

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No