ADVERTISEMENT

Propinas ba Universidade Privadu Kompeténsia iha Fundasaun

Timor Post - Edukasaun
  • Share
Ministru Ensinu Superiór, Siénsia no Kultura,Longuinhos dos Santos. Imajen/Egas Cristovao

Timor Post (19/08/2020)- Ministru Ensinu Superior Siénsia Kultura (MESSK) Longuinhos dos Santos hateten, Universidade Nasionál Timor Leste (UNTL) la iha problema ho propinas tanba deside ona daudaun nee estudante sira kontinua selu, maibé ba Universidade sira privadu ne’e kompeténsia iha fundasaun maka bele deside.

“Sira ne’ebé mak Universidade privadu, sira ne’e kabe ba kompeténsia fundasaun Nian hodi deside kona ba propinas, tanba tuir lei define ona katak kompeténsia governu nia maka atu halo fiskalizasaun de’it no kestaun kona ba define valor propinas nee Universidade privadu sira mak bele halo desizaun rasik,” Ministru Longuinhos Dos Santos hatán ba asaun Pasífiku ne’ebé halo hosi Aliansa Universidade Timor-Leste (AUTL).

ADVERTISEMENT
SCROLL FILA BA NOTISIA


Lee Mós :
Formandu SFJ-TP Na’in-12 Termina Ona Formasaun

Ministru reforsa petisaun ne’ebé estudante sira aprezenta iha rua, nia simu ida husi estudante UNTL no ida hosi AUTL, hosi UNTL maka governu deside mantein selu propinas, maibé ba estudante universitáriu privadu iha AUTL kompeténsia fundasaun nian.
Kona ba subsídiu ba estudante naun-bolseiru iha estranjeiru, Ministru hatete ida ne’e regula hosi Ministériu Negósiu Estranjeiru no Kooperasaun.

Lee Mós :
Governu Organiza Ritual ba Harii Sidade Universitáriu iha Aileu, Lia-Nain Siik Dezafiu iha Prosesu Konstrusaun

“Estudante sira iha estranjeiru liu-liu ba sira ne’ebé naun bolseiru, bazeia ba dekretu Lei governu nu 20/2020 autoriza governu hodi fó subsídiu ba estudante sira ne’ebé hela temporariu iha estranjeiru, MNEC mak responsabiliza ba iha asuntu nee, ne’ebé regula ona iha Lei orgániku VIII governu konstitusionál nian”, subliña Ministru.

Entretantu atu halakon propina ba semester par no impar durante surtu Korona Virus iha rai laran UNTL hato’o uluk ezijénsia ba Ministru relevante maibé ezijénsia refere la hetan resposta mosu tan Aliansa Universidade Timor-Leste (AUTL) akumula estudante hosi universitáriu hotu hodi ejije kontinua ba Governu fó ba estudante iha rai laran livre hosi propinas durante pandemia nia laran.(Jornalista: Jaime Pires)

 819 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Propinas ba Universidade Privadu Kompeténsia ih…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No