DILI-Kandidatu Universidade Nasionál Timor Lorosa’e (UNTL), deside blokeia orientasaun tinan akademika 2023.
Razaun blokeia orientasaun tanba rejistrasaun kandidatu estudante foun ladauk konklui.
“Presiza hadi’a pagamentu, parasa akademika no halo alterasaun ba subordinariu sira ne’ebé mak kria prasa akademika,” Timor Post observa direita iha terenu, Segunda (13/03).
Panitia ho estudante foun sira mak protesta. Nune’e mós ezije reitoradu UNTL konklui rejistrasaun mak foin bele hala’o orientasaun akademika.
Blokeia orientasaun ne’e ho mekanizmu marsa, ne’ebé hahú hosi Kuartel Jerál Polisia Nasionál Timor-Leste (PNTL) ninia oin ba to’o kampus sentral UNTL.
Daudaun ne’e estrutura reitoradu UNTL hein hela iha Jinaziu Dili, hodi halo abertura ba orientasaun, maibé estudante foun sira deside la partisipa.
Estudante ne’ebé mak partisipa iha orientasaun akademika tinan ne’e, kompostu hosi fakuldade Siénsia Sosiál, rejista estudante besik atus-neen-resin.
To’o publikasaun notisia ne’e, Timor Post ladauk hetan konfirmasaun hosi estrutura reitoradu UNTL nian.
1,967 total views, 3 views today
Bele hare Video Seluk :