DILI (timorpost.com) – Eskola universidade Institute of Business (IOB), planu sei dezenvolve lian Inglés sai hanesan Extra-Kurikuler.
Magnifiku Reitór Institute of Business (IOB), Pedro Barreto Ximenes, hatete agora Sira hahú halo esforsu oinsá bele lori objetivu ida ne’e bele la’o ho di’ak iha futuru.
“Ita esforsu nafatin ba planu hirak ne’ebé ita aposta iha rekejitus universidade nian, atu bele haburas no kualifika liután ba estudante sira, tanba ita hatene katak língua inglés ne’e nu’udar save importante iha mundu,” nia hateten, iha kna’ar fatin Fomento, Kinta (26/01).
Nia dehan, prinsípiu halo programa extra-kurikuler ba English club, atu motiva no mentaliza estudante sira-nia kapasidade no abilidade di’ak, atu nune’e bele alarga liután númeru rekursu umanu iha nasaun ne’e bele la’o ho dignu.
“Iha mundu ita hatene katak, multi linguístika, maibé importante liu mak lingua Inglés, no lingua ne’e rasik área internasionalmente no ema hot-hotu iha mundu bele aplika hotu lingua ida ne’e”, nia hateten.
nia haktuir, akompanamentu husi magnifiku Reitór Institute of Business (IOB), programa extra-kurikuler English Club no estrutura reitoradu hamutuk ho senadu estudantil no formador husi atividade extra-kurikuler englsih klub ne’ebé hasoru malu ho ekipa servisu husi Embaixadora Estadus Unidos Amérika (EUA).
“Ita ko’alia kona-ba asuntu kooperasaun servisu atu hala’o Programa, Fulbright English Teaching Assistant” ne’ebé sei implementa iha universidade IOB atu supporta liután atividade extra-Kurikuler English Club ba estudante sira.
Nia hatutan, maski eskola IOB laiha departamentu lingua Inglés, maibé Universidade refere prontu no tau importánsia makas iha Lingua Inglés nu’udar extra-kurikuler ida, atu bele programiza mentalidade no kapasidade estudante sira iha vida lingua Inglés ho efisiénsia.
“Ami prontu lori atividade extra-kurikuler English Study Club, ne’ebé Instituisaun oferese gratuita ba estudante sira atu aprende hodi hasa’e liután konesimentu no abilidade estudante sira nian iha area soft skil liuliu lingua Inglés ne’e rasik”, tenik nia.
1,955 total views, 18 views today
