DILI (timorpost.com) — Universidade Dili (UNDIL), Kuarta (21/12), realiza seremónia gradusaun ba dala XVI, ho finalista na’in-672, Prezidente Repúblika (PR), José Ramos Horta, hato’o Parabéns ba Graduadu ho família sira iha salaun Oka Rudal 7964, Osindo Dili.
Graduasaun ba tinan ne’e ho tema, “Edukasaun maka Xave ba mudansa no Moris Di’ak, Rekursu Humanu ne’ebé Kualidade no Inovativu sei Garante no Fortalese Rekonstrusaun Ekonómia Estadu”.
Prezidente Fundasaun Universidade Dili (UNDIL), Estevão Belo, hatete Graduasaun ne’e, kada Universidade ida-idak iha fim do Ano normalmente halo, tanba se ema ladún gradua ne’e orsida barak liu iha Universidade no sei iha problema.
“Entaun kuandu sira liu ou lulus ona, ita fó Graduasaun ba sira, ne’e para ba serbisu ka la serbisu ne’e la’ós funsaun Universidade nian. Totál gradusaun iha ohin ne’e, na’in-672, husi fakuldade neen (6), ho tan pos graduasaun na’in-11 ne’e ba S2 Direitu,” nia dehan.
Fundasaun UNDIL nia esperansa ba Graduadu sira ne’e iha kualidade, sei ba kompete iha serbisu ou vaga ne’ebé Governu aban-bairua loke.
“Se sira lakohi kompete, ne’e la’ós problema Universidade, maibé ami fó solusaun ka sujestaun ba sira atu sira bele eskola nafatin no siénsia ne’ebé sira hatene husi ne’e sei nafatin hanesan bukae ida atu bele buka serbisu iha Governu ida ne’e,” nia argumenta.
Ba valór, UNDIL iha kualifikadu ne’e barak, tanba maioria serbisu tiha ona, entaun estudante ne’ebé barak iha UNDIL balu serbisu tiha ona, ne’ebé funsionáriu barak mak Graduadu iha ne’e.
“Tan ne’e laiha problema, ba persentajen ba sira ne’ebé seidauk serbisu ne’e kuaze 40% mais porsentu 60 ne’e ema sira serbisu hotu tiha ona,” nia relata.
Iha fatin hanesan Prezidente Repúblika (PR), José Ramos Horta, hatete kona-ba nasaun kada tinan-tinan universidade sira halo graduasaun, dezde ke graduasaun sira ne’e reflete kualidade, ne’ebé ho diploma ne’ebé refere iha sira nia kakutak hodi di’ak ba nasaun.
Xefe Estadu aumenta, dezafiu boot kolokasaun iha ka lae, konformi Governu ho setór privadu iha kolokasaun ba sira ka lae. Se diploma ne’e diploma de’it la koresponde ba kualidade, informsaun ne’ebé tama iha kakutak ka rai iha kakutak, entaun ne’e hanesan lakon tempu, buat hotu-hotu ita halo kualidade iha ka lae, tanba kuandu ba serbisu la haree de’it ba Diploma, mais haree rezultadu,
“Hato’o Parabens ba UNDIL, parabens ba Graduadu sira no ba Família, iha momentu ne’e sempre di’ak no importante ne’ebé Graduadu sira ho nia família, ha’u rona no husu pergunta kona-ba Feto nian hamutuk porsentu 60 husi Graduadu ohin,” Xefe Estadu relata.
Enkuantu mós hanesan dezafiu ida ba Governu, ne’e mak tinan-tinan sempre halo graduasaun, tuir Xefe Estadu katak ne’e barak loos, universidade, institutu superior 16, maizumenus rihun 70 estudante balu kualidade, balu la kualidade, husi ne’e mós kualidade mós depende ida-idak nian, hanesan estudante, balu liu hanesan liu araska liu, no balu liu ho valór A+.
2,922 total views, 9 views today
Bele hare Video Seluk :
Subscribe to Timorpost
