ADVERTISEMENT

Eskola Marcelo 02 Komoro Realiza Serimónia Despedida ho Alunus Finalista

Mario da Costa - Edukasaun
Jornalista : Estaziada Ermelinda Caet
Editor : Mario da Costa
  • Share
Estudante Finalista sira iha Eskola Marcelo 02 Komoro Foto hamutuk ho Profesor sira, Sesta (02/12), Imajen TP/Ermelinda Caet

Dili (timorpost.com) – Eskola Marcelo 02 Komoro, realiza serimónia despedida ba Estudante Finalista 6 Ano na’in-93, iha letivu 2022 ho tema “Ami mak kontinuadór ba Futuru rai ida ne’e”.

“Atividade ida ne’e ami halo hanesan serimónia ida ba ami-nia Alunus 6 ano ne’ebé hala’o prosesu aprendizajen iha Eskola Marcelo 02 Komoro, hahú husi Pre-Eskolár to’o Ensinu Báziku Filial”, Diretór Ensinu Báziku Marcelo 02 Komoro, Leocadia de Jesus, hateten hafoin serimónia iha Eskola Marcelo 02 Komoro, Sesta (02/12).

ADVERTISEMENT
SCROLL FILA BA NOTISIA


Nia dehan, agora sira remata ona estudu iha Ensinu Báziku ida ne’e, entaun sira kontinua iha pre-sekundária, sira tenke sai husi ne’e hodi ba kontinua sira-nia Eskola iha ne’ebé sira hili ba.

Lee Mós :
MESSK-FI Realiza Sertame ba Universitáriu Sia

Tanba ne’e maka ohin sira halo atividade hanesan serimónia despedida ida para sira mós hatene katak sira agora sira sai ona alumni iha Eskola Marcelo 02 Komoro. Estudante Finalista sira ne’ebé agora remata ona estudu iha Eskola Marcelo 02 Komoro hamutuk 93.

“Ha’u-nia mensajen ba Estudante finalista sira, komunidade no inan-aman sira katak korajen nafatin ita hot-hotu servisu hamutuk iha prinsípiu tolu maka husi inan-aman no Eskola tenke haree didi’ak katak primeiru ita harii ona Edukasaun ida ne’ebé di’ak, ita lori ita-nia oan sira ba Eskola ne’ebé kualidade no mai ita hotu servisu tanba Edukasaun ida ne’ebé di’ak no hahú husi uma laran sai ba iha li’ur, mestre sira labele no inan-aman labele maibé ita hot-hotu fó liman ba malu atu lori ita-nia sira ba Futuru ne’ebé di’ak, tanba ita-nia oan sira mak kontinuadór ba iha Nasaun ida ne’e”, tenik nia.

Lee Mós :
Professores Voluntáriu Munisípiu Ermera Hato’o Ezijénsia ba ME

Iha fatin hanesan Profesora turma 6 Ano, Amelia Kuhu, relata ba Estudante sira durante tinan neen nia laran sira hadomi, bainhira sira sai husi fatin ida ne’e ba tenke esforsu nafatin estuda. Tanba sira nia Futuru ne’e sei naruk no dook ba buat ne’ebé sira mehi atu nune’e aban-bairua bele realiza.

“Kuandu ita boot sira susesu ami ho inan-aman ami kontente, dehan ami-nia oan ka estudante sira bele susesu iha futuru. Iha fatin ida ne’e mós ha’u husu deskulpa ba Estudante Finalista sira iha tinan neen nian laran, ami hanorin imi dala-ruma baku, hakilar ba estudante finalista sira, ba inan-aman sira durante ne’e ami-nia hahalok no atitude ladi’ak ka la monu ba ita boot sira-nia laran ami husu deskulpa.

Lee Mós :
Rai-Halai Iha Munisípiu Lautem, Eskola EBF Daudere Hetan Estraga

Enkuantu tuir Observasaun Timor Post nota iha atividade despedida ne’e, estudante sira uza roupa tradisionál (tais), tanba hakarak kontinua promove kultura Timor nian. Iha serimónia ne’e, entuziazmu husi Estudante no inan-aman sira.

 1,725 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eskola Marcelo 02 Komoro Realiza Serimónia Desp…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No