ADVERTISEMENT

IEC-FC Simu Hikas Illas Kristu Na’i Liurai

Mario da Costa - Edukasaun
Jornalista : Mariano Abi
Editor : Mário da Costa
  • Share
Lori hikas ilha Na'i Kristu Liurai mai Eskola Kristal, Imajen TP/Mariano Abi.

DILI (timorpost.com) — Institutu Edukasaun Kristal, Fundasaun Kristal (IEC-FC), simu fali illas padrueiru IEC-FC Kristu Na’i Liurai, Krus Universitáriu, Nossa Señora Auxiliadora sarani sira nian, São João Bosco no mós illas São João Paulo II, ne’ebé haleu ona Munisípiu neen (6).

Hafoin simu illas Kristu Na’i Liurai, Prezidente Klibur Nasionál Alumni IEC-FC hanesan mós Vise Reitór Kristal, Jacinto Oliveira Junior, hatete atividade ohin loron kontinuasaun husi programa ne’ebé Fundasaun Kristal realiza ona iha loron 30 fulan Setembru to’o 30 Novembru kona-ba peregrinasaun Padroeiru ou Padroeira husi FC-ISC ba iha Munisípiu 13 inklui RAEOA.

ADVERTISEMENT
SCROLL FILA BA NOTISIA


“Nune’e ha’u hanoin katak, iha vizita illas ida ne’e, hodi bele hafanun ou hametin tan sarani sira-nia fiar liuliu iha antigus alunu Kristal nian, inklui estudante sira hotu, portantu iha sentrál no mós polo filiál sira ne’ebé Kristal iha, para nune’e bele nafatin kontinua reza, liuliu iha fulan Outubru ida ne’e no fulan Novembru ne’e loron Kristu Na’i Liurai nian,” nia hateten iha Eskola ISC Balide, Domingu (30/10).

Lee Mós :
Dili Okupa Númeru Dahuluk Kazu Disputa Rai

Nia haktuir, IEC-FC kada tinan-tinan, liuhusi vizita illas ida ne’e, atu komemora mós loron importante padroeiru nian, entaun tuir nia hanoin ida ne’e IEC-FC hala’o vizita illas ne’ebé hahú husi Munisípiu Dili nian ba iha Aileu, Kovalima, Manufahi, Maliana, Ermera no Likisá.

“Ohin loron tama fali iha kapitál, hodi nune’e bele kontinua iha programa mestradu to’o loron 05 Novembru no peregrinasaun ida ne’e sei kontinua ba iha RAEOA to’o iha loron 13 Novembru sei fila mai kapitál hodi ba Munisípiu Ataúru,” nia informa.

Lee Mós :
Komemora Loron Ensinu Superior ho Atividade Desportu

Enkuantu husi Ataúru mai hakat kedas ba iha Manatutu no kontinua iha Munisípiu seluk, husi ne’e mak sei termina fali iha Dili no taka ho Seremónia missa.

Nia aumenta, peregrinasaun ida ne’e sei termina iha loron 30 Novembru, ne’ebé mak tuir programa ou ajenda husi parte komisaun organizador liuliu iha sesaun liturjia nian hodi prepara.

Enkuantu kona-ba atividade ne’e sei akontese iha tinan oin, tuir Prezidente Klibur Nasionál Alumni IEC-FC, Junior nia hanoin katak, ida hanesan ajenda atividade anuál nian ne’ebé komisaun trasa ona iha atividade Relijioza nian.

Lee Mós :
SEM Baukau Kongratula Esforsu Manorin Nain Sira

“Ha’u-nia hanoin katak, oinsá mak atu hanoin hodi bele nafatin haforsa no fó nafatin hametin tan ita-nia oan sira-nia fiar liuliu ba sarani sira ne’ebé hamahan aan iha instituisaun ISC no mós iha prinsipalmente nafatin hatutan ba iha alumni ne’ebé iha,” nia akresenta.

Antes hakotu, nia relata tan, IEC-FC konsidera atividade Relijioza ne’e hanesan kultura ne’ebé iha Institutu nia laran, alende hala’o prosesu aprendizajen ne’ebé la’o normál, sira mós hala’o atividade seluk hanesan extra-kurikular inklui mós atividade Relijioza nian ne’ebé ISC tau hanesan atividade própriu ba iha tinan-tinan.

 2,685 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “IEC-FC Simu Hikas Illas Kristu Na’i Liurai” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No