DILI (timorpost.com) — Prezidente Repúblika (PR), José Ramos Horta, husu ba estudante Eskola Portuguesa Dili (EPD) Ruy Cinatti, atu estuda makaas hodi hetan notas ne’ebé as no fó orgullu ba Timor-Leste (TL).
Xefe Estadu dehan, kona-ba krize finanseira ne’ebé akontese iha tinan 2008-2009, no mós ajudu dezenvolvementu estranjeiru husi rai industriliazadu sira. Enkuantu iha 2009 Xefe Estadu propoin ba Komité Nobel ba Pas, atu atribui premiu Nobel ba Pás Uniaun Europeia no to’o ikus Uniaun Europeia manaan duni premiu Nobel ba Pas iha 2010.
“Estudante sira tenke estuda no estuda makaas la’ós de’it atu pasa ezame, maibé sira tenke iha notas ne’ebé as ne’e atu fó orgullu ba Timor Leste no mós ba mundu,” PR Horta dehan hafoin vizita eskola Portuguesa Dili, Ruy Cinatti, Segunda (24/10).
Xefe Estadu haktuir, Timoroan sira ne’e iha jeitu atu ko’alia lian barak. Husi ne’e mós PR Horta argumenta, dezde nia tinan 18 to’o oras ne’e nia defende ideolójia sosiál demokrata ne’e katak, estadu fornese bens estar ba povu no estadu ne’ebé solidária ho povu.
Iha fatin hanesan Diretór EPD, Acácio Pinto, sauda prezensa Xefe Estadu hanesan Laureadu Nobel da Pas, aproveita loron bibleoteka eskolar ne’ebé monu iha (24/10).
Ho ida ne’e, eskola EPD haksolok simu Xefe Estadu atu mai ko’alia iha eskola hanesan Laureadu da Pás.
2,916 total views, 6 views today
Bele hare Video Seluk :