Dili (timorpost.com) – Selebrasaun aniversáriu Universidade Katólika Timorense (UCT) ba dahuluk, Sua Eminénsia Dom Virgílio Cardeal do Carmo da Silva SDB, lansa fatuk dahuluk ba Edifísiu foun Universidade nian.
Vise Reitór UCT Padre Guilhermino da Silva, dehan ohin Universidade Katólika Timorense (UCT), selebra loron mahein Padroeiru no nia mahein maka São João Paulo II, Santo ida ne’ebé mós sama ona Timor fó mensajen ba Timor atu nune’e Timoroan sira sai masin no naroman ba mundu.
“Atividade sira ne’ebé ohin loron hala’o maka misa selebrasaun aniversáriu Universidade Katólika Timorense nian ba dahuluk no halo lansamentu ba Edifísiu Biblioteka nian, ne’ebé boot iha fatin ida ne’e”, nia dehan iha Kampus UCT, Balide, Sábadu (22/ 10).
Vise ne’e afirma, Edifísiu ida ne’e mós sei presiza Orsamentu boot. No edifísiu ne’e hanesan ba Biblioteka, administrasaun no mós sai fatin ba dosente sira nian.
Edifísiu ne’e sei iha andar Haat (4), konstrusaun ne’e sei hahú tinan oin kuandu Universidade iha ona forsa no iha ona fundus atu bele harii.
Portantu Kompañia ne’ebé atu halo ne’e kompana Keisaval husi nasaun Iran no ema ne’ebé servisu ona ho dioseze ho tempu naruk nia laran.
“Ba Edifísiu ida ne’e ha’u ladun lembra nia medidas sira ne’e , ba nia orsamentu, ida ne’e husi Universidade rasik mak buka hodi bele halo konstrusaun”, nia Informa.
Enkuantu sira seidauk hanoin atu hakbesik aan ba Governu, maibé sira sei hakas aan ho doador sira husi rai li’ur no santa kreda Katólika iha Nasaun Europa, Ázia liuliu hanesan iha Korea no mós Brazil hodi bele ajuda.
Entretantu Estudante husi Universidade Katólika Timorense (UCT), Fakuldade Siensia Sosiais Humanidades, Departamentu Komunikasaun Sosiál, Jessica Renata do Rego Soares, relata ohin loron UCT halo aniversáriu ba dahuluk nia sente kontente tebes, tanba primeira ves selebra felis natalis ba eskola ida ne’e.
“Ha’u orgullu tebes tanba ha’u bele mai eskola iha ne’e tinan ida tomak, no ha’u sente kontente tanba eskola fó buat barak mai ita”, Jessica ne’e saliente.
Durante sira aprende buat barak tebes no nia kontente tanba eskola ne’ebá uza lingua rua maka hanesan Lingua Portugés no Inglesh .
“Tanba ne’e ha’u-nia dezeju maka atu Eskola ne’e di’ak nafatin no bele sai nafatin Eskola prokular iha Nasaun ida ne’e no ba ita hotu”, nia hakotu.
2,530 total views, 3 views today
Bele hare Video Seluk :
Subscribe to Timorpost
