DILI (timorpost.com) — Komemora loron João Paulo II, ne’ebé sama ain iha Timor-Leste, hodi halo misa ba sarani sira iha Tasi-Tolu, iha loron 12 fulan Dezembru 1989 no ba illas padroeiru ou padroeira IEC-FC hanesan Kristu Na’i Liurai, Kruz Universitáriu, Nossa Señora Auxiliadora sarani nian, São João Bosco no São João Paulo II.
Prezidente Ezekutivu IEC-FC, Agustinho dos Santos Gonçalves, hatete fulan Outubru hanesan fulan rozáriu, São João Bosco no São Paulo II nian, fulan Novembru fulan Kristu Na’i Liurai nian, nune’e husi illas ne’ebé atu haleu Munisípiu sira ne’e sei bá vizita dahuluk IEC-FC, Alumni Kristal ho Família no mós povu ou sarani sira iha Munisípiu 13 inklui Rejiaun Administrativu Espesiál Oe-kuse Ambenu (RAEOA).
Illas Kristu Na’i Liurai atu haleu Munisípiu sira ne’e, organiza husi IEC-FC, hahú iha loron 01 fulan Outubro to’o loron 30 fulan Novembru tinan 2022. Ne’ebé ohin Kuarta 12/10 IEC-FC realiza missa asaun grasa kona-ba illas padroeiru ou Padroira iha salaun Dom Bosco Kristal, Balide.
Ho ida ne’e, iha diskursu Prezidente Ezekutivu IEC-FC, Agustino husu ba Klibur Alumni sira iha Munisípiu atu simu ho kari Ai-funan.
“Ohin husi IEC-FC lori illas padroeiru ou padroira ne’e ba entrega iha Munisípiu Aileu ne’ebé ita nafatin oferese ita-nia orasaun atu ita bele agradese tinan 38 husi ita hala’o edukasaun exelente iha Kristal liuhusi ita-nia padroeiru sira-nia grasa no bensaun. Husu ba hotu-hotu liuliu ba Klibur Alumni iha Munisípiu sira, iha Suku no Postu ho família karii ai-funan ba hodi simu,” Prezidente Ezekutivu IEC-FC Agustino informa.
Prezidente Ezekutivu IEC-FC Agustino subliña, illas Kristu Na’i Liurai la’ós Kristal nian de’it maibé Timor nia padroeiru ou padroeira.
“Ha’u husu ba Klibur Alumni no estudante sira iha ne’e haruka Inan-Aman sira karik ita-nia padroeiru ba iha Munisípiu sira, reprezenta ita ba reza no Alumni sira tenke kari ai-funan hodi simu ita-nia padroeiru hatudu ezemplu ba sarani sira iha Timor laran tomak, tanba sei ba vizita Timor Tomak,” nia alerta tan.
Alende kona-ba Kruz Universitáriu ba alumni sira ne’ebé iha fakuldade edukasaun no saúde, maski finalista ona nia estudu, maibé tenke agradese tanba ne’e Kruz Universitáriu.
“Na’in Feto Auxiliadora la’ós saleziano Dom Bosco Kristal nian de’it, maibé sarani sira nian no sarani hotu-hotu tenke halo devozaun no reza ba na’in Feto Auxiliadora. São João Bosco, ne’e Pai mestre ba foin sa’e sira tenke lori hanesan ita-nia mata dalan ka protetor no mós São João Paulu II mai sama Timor fila ita ukun an tan ne’e São João Paulo, ita-nia padroeiru,” nia realsa.
Iha fatin hanesan Prezidente Klibur Nasionál Alumni IEC-FC hanesan mós Vise Reitor Kristal, Jacinto Oliveira Junior, hatutan atividade atu komemora loron padroeiru sira nian prinsipalmente ohin loron 12 Outobru hanesan loron Podroeiru IEC-FC no ba iha Mimistériu Edukasaun nian mak São João Paulu II, ne’ebe hodi relembra hikas momentu prezensa São João Paulu II iha Timor-Leste.
“Iha selebrasaun loron Padroeiru ou padroira IEC-FC nian, ne’ebe monu iha fulan Outubru no Novembru 2022, hanesan loron Maria Auxiliadora kristaun no mós ba iha Kristu Na’i Liurai nian. Iha mós padroeiru seluk hanesan São João Bosco ne’ebé orsida sei akompaña ita-nia illas hamutuk ho Kristu Na’i Liurai ba vizita munisípiu sira iha teritoriu Timor-Leste”, nia hateten.
Enkuantu peregrinasaun viajen ne’e, hahú husi Munisípiu Aileu no sei ba fali Munisípiu seluk.
1,401 total views, 3 views today
