ADVERTISEMENT

Estudante Krítika Dekanu FCS-UNTL fó Valór La loos

Mario da Costa - Edukasaun
Reportajen : Cardenio Alves
Editor : Mário da Costa
  • Share
Dekanu Fakuldade Siénsia Política UNTL, Camilo Ximenes, Imajen TP/Cardenio Alves.

DILI (timorpost.com) – Estudante sira hosi Universidade Nasionál Timor Loronsa’e (UNTL), Fakuldade Siénsia Sosiais (FCS), Departamentu Siénsia Polítika (DCP), semeste hitu (VII), lámenta prosesu valór ne’ebé dekanu sai hanedan profesór matéria rasik fó la tuir Kapasidade estudante nian.

“Ami respeita nu’udar dekanu no Profesór ida ne’ebé sai aman ida iha Unuversidade Nasionál Timor Loronsa’e (UNTL), maibé ami krítika nia la’ós tanba la fiar nia, maibé tanba fó valor lá tuir ami-nia kapasidade, no abilidade”, dehan estudante Fransisco Xavier ba Timor Post Online iha kampus Kaikoli, Sesta (16/09).

ADVERTISEMENT
SCROLL FILA BA NOTISIA

Nia dehan, estudante akadémika iha Departamentu Siénsia Polítika nunka satisfeitu ho maneira ne’ebé dekanu rásik hili fó ba ami, tanba ami-nia kolega barak mak nunka mai eskola valor marka A no B, maibé ami ne’ebé kumpre oráriu valór tuun ho marka E.

Lee Mós:
Assanami: “Hatene Manan Ona, Kandidatu Ne’e Halo Buat Ruma Iha Kotuk”

“Karik tanba ami mak lahatene matéria ne’e ka ami mak la kumpre kriteria Universidade nian ka la kumpre esplikasaun profesór nian,” nia sublina.

Nia hatete, Dekanu rasik ko’alia mai sira dehan estudante falta ne’e la toma konta iha valór, maibé tuir kriteria akadémika, estudante tenke kreativu, no inovativa, dalan ida katak, mai eskola, halo traballu, karik grupu ka individu.

Lista valór estudante sira nian, Imajen TP/Cardenio Alves.

Matéria ne’ebé Profesór ka dekanu fó, mak polítika kontemporanea, karik ami estudante mak laiha kapasidade atu aprende, karik tanba ami mak la hakbesik aan ba dekanu nu’udar Profesór ba matéria refere.

Lee Mós:
Governu Liberta Autonomia Universidade Públiku no Privadu

Nia hateten, lamentavel tebes ho desizaun ne’ebé Profesór nu’udar dekanu, Camilo Ximenes fó estudante sira ho valór marka E, kualker rekezitu sira sempre prienxe, maibé valór tun, estudante balun ne’ebé mai eskola la tuir nia tempu hetan valór di’ak.

“Ami estudante sira husu nafatin ba dekanu ne’ebá sai profesór ba matéria, presiza halo klarifikasaun didi’ak, tanba saida tenke fó valór E ba ami estudante sira ne’ebé kreativu,” nia ezije.

Portantu Dekanu hosi UNTL Fakuldade Siénsia Sosiais (FCS), sai profesór ba matéria polítika kontemporanea nian iha area Siensia polítika, Camilo Ximenes, hatán estudante hosi UNTL iha ona regulamentu Akadémiku nu’udar kritériu atu fó valór nune’e valór A, B, C, D no E eziste iha universidade ne’ebe de’it iha Mundu nu’une la prezisa husu fali ba Profesór tanba saida mak la liu.

Lee Mós:
Rekopera Sistema Edukasaun Iha Era Pandemia

“Ha’u nu’udar Dekanu no sai profesór ba matéria polítika kontemporanea mak beik ka matenek, karik bele fó rasik resposta ba an, ha’u tama iha kategoria ne’ebé, se ha’u-nia maluk seluk pasa tanba saida mak ha’u labele,” nia hakotu.

 2,001 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estudante Krítika Dekanu FCS-UNTL fó Valór La loos” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: