ADVERTISEMENT

PR Horta Abertura Eskola Portugés Ruy Cinatti Tinan Letivu 2022-2023

Mario da Costa - Edukasaun
Reportajen : Mariano Abi
Editor : Mario da Costa
  • Share
Prezidente Republika, Jose Ramos Horta (iha liman loos) ne'ebé akompaña husi Diretór Eskola Portugeza, Acasio de Brito (iha klaran) ho Reitor UNTL, João Soares Martins (iha liman karuk), partisipa Abertura Eskola Portugés Ruy Cinatti Tinan Letivu 2022-2023. Imajen TP/Mariano Abi

DILI (timorpost.com) — Prezidente Repúblika (PR), José Ramos Horta, hala’o abertura ba Eskola Portuguêsa Dili, Ruy Cinatti, tinan letivu 2022-2023, Tersa (13/09) iha Balide.

Iha abertura ne’e, PR Horta, hatete Eskola ne’e Portugés, Orsamentu Estadu Portugés, ba infraestrutura, ba profesór sira, materiál eskolár, buat sira ne’e hotu, tinan-tinan mais ou menus Millaun 5€ mak gasta ba eskola ida ne’e.

ADVERTISEMENT
SCROLL FILA BA NOTISIA

“Ha’u konsidera eskola ne’e, mak hanesan ita haree, iha eskola ne’e kuaze 100% Timoroan mak tama iha liu ona 1200 resin, nune’e ho kualidade aas teb-tebes,” Xefe Estadu dehan ba Jornalista sira iha Balide.

Lee Mós:
Prezidente PN Relata Abertura Sesaun Lejizlativu iha Última Kinta Lejizlatura ba PR Horta

Xefe Estadu subliña, iha mós mudansa ne’ebé mai ne’e, balu husi Portugál no rai seluk sira simu, tanba sertifikadu eskola portugeza nian ne’e iha ne’ebé de’it rekoñesidu iha Europa tomak.

“Ba ema ne’ebé hetan sertifikadu iha ne’e (Eskola Portuguêsa Dili, Ruy Cinatti, tinan letivu 2022-2023), nia bele ba eskola iha Fransa ka Alemaña tuir tratadu Europa nian, ho sertifikadu eskola portugeza ne’e iha fatin Europa tomak simu,” Xefe Estadu dehan.

Lee Mós:
PR Horta Lansa Primeira Pedra ba Pelican Paradise Iha Tibar

Alende kona-ba eskola Café ne’ebé iha Munisípiu sira ne’e, Xefe Estadu konsidera mós kualidade di’ak, no manorin sira mai hosi li’ur ho manorin Timoroan balun manán esperiénsia.

“Ha’u apoiu eskola ida ne’e Eskola Portuguêsa Dili, Ruy Cinatti, tinan letivu 2022-2023, mais ha’u apoiu eskola sira hotu iha rai laran, eskola sira iha ne’ebé de’it, ne’e ha’u luta ba sira, hodi ita-nia Governu tau orsamentu boot liubá atu halo dezenvolve di’ak liu tan,” Xefe Estadu afirma.

 1,469 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Abertura Eskola Portugés Ruy Cinatti T…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: