Dili (Timor Post)–Projetu International Telecommunication Union (ITU) hala’o semináriu kona-ba Information and Communication Technology (ICT) ba estudante Kristal.
Tuir Junior Project Officer International Telecommunication Union (ITU), Rary Demsey, hatete objetivu husi semináriu ne’e, atu halibur estudante sira iha Timor-Leste liuliu ba feto sira, hodi aprende másimu iha area ICT nian, tanba la’ós mane de’it maka bele aprende ICT, maibé feto mós bele aprende.
“Programa ne’ebé halo husi ITU atu halo promosaun ICT ba labarik no Joven feto sira, tanba halo promosaun liuhusi informasaun, Komunikasaun, Teknolojia, hanesan mós mane sira aprende tiha ona,” Demsey dehan iha Salaun Multifunsaun Kristal, Balide, Tersa (26/07).
Iha biban hanesan, Diretór Ensinu Sekundária Privadu Cristal, Rafael Xavio, hatete atividade ohin ne’e importante ba estudante sira, tanba sira bele hetan informasaun oinsá uza aktu kona-ba informasaun no uza ICT.
Husi ne’e mós, estudante sira kontente tebes, tanba ida ne’e atividade ohin mai estudante Kristal ho importante tebes, husi nia parte orgullu hodi naran Fundasaun Kristal.
“Liuhusi Prezidente Ezekutivu orienta ami para oinsá mak halo informasaun ida ne’e ba estudante sira-nia futuru, no oinsá mak sira bele uza ITU ne’e bele iha limite, hodi ida ne’ebé sira ligasaun ba sira-nia programa, ba matéria, no ba dixiplina ne’ebé agora daudauk aprende iha Ensinu Sekundáriu Jerál nian,” nia dehan.
Iha semináriu ne’e mós, tuir Diretór ne’e katak, estudante sira husi Kristal, komesa hahú ona preparasaun ba futuru oin mai, oinsá mak sira bele enkaixa tan, espera ida ne’e apresia tebes husi Governu oinsá mak rede ne’e aumenta para sira bele atensaun.
“Total estudante ne’ebé partisipa iha semináriu ida ne’e, hamutuk 100, no kompostu husi profesór estaziadu sira,” nia hakotu.
406 total views, 3 views today
