ADVERTISEMENT

Timoroan Tenke Matenek Uza Smartphone

Mario da Costa - Edukasaun
Jornalista : Mariano Abi
Editor : Asisten Hermenegildo da Costa Tilman
  • Share
Sekretáriu Estadu Komunikasaun Sosiál, Mericio Juvinal dos Reis "AKARA", Imajen TP/Mariano Abi

Dili (Timor Post)–Sekretáriu Estadu Komunikasaun Sosiál (SEKomS), Kinta (21/07) hala’o programa Kampaña Literasia Dijitál ba Estudante sira iha Eskola Sekundáriu Kristal, Balide atu kompriende utiliza telemovel Smartphone.

Tuir Sekretáriu Estadu Komunikasaun Sosiál, Mericio Juvinal dos Reis “AKARA”, iha nia diskursu ba estudante sekundária Kristal sira katak númeru ne’ebé mak ema asesu ba liña internet barak liu duke kompara ho sidadaun ne’ebé iha Timor-Leste.

ADVERTISEMENT
SCROLL FILA BA NOTISIA


“Ha’u iha ona dadus katak, númeru ne’ebé ema asesu internet iha Timor-Leste ne’e, barak liu fali sidadaun, ita-nia sidadaun agora hamutuk juta 1 resin de’it, maibé dadus ne’ebé ami simu ona katak, ema ne’ebé asesu internet la’ós ona dadus sidadaun nian, entaun liu tiha ona juta 1,” nia afirma ba estudante sira iha salaun Fundasaun Kristal.

Lee Mós :
Xanana: “Lolo Liman Ba Hirak Ne’ebé Presiza Tenki Sai Kultura Ba Timoroan”

Nia subliña, husi ida ne’e, nia husu ba ema ne’ebé lori dadus ba ekipa SEKomS, katak tanba saida mak hanesan ne’e, nune’e sira hatete ba AKARA dehan, tanba maioria ema hotu-hotu kaer Telemovel, nune’e iha Telemovel nia laran ne’e, uza simcard rua no bele tolu, entaun simcard sira ne’e, asesu hotu internet.

Lee Mós :
MEJD Inaugura Eskola 12 Novembru

“Sidadaun juta 1 mak kaer Telemovel, portantu husi simcard tolu ne’ebé iha Telemovel ne’e ita soma de’it ho sidadaun Juta 1 ne’e barak liu, husi ida ne’e mak akontese iha ita-nia rai. Sa tan Telemovel ne’ebé ita-nia maluk China sira fa’an agora ne’e la’ós simcard ida de’it, no kada ema mós uza Telemovel rua tolu, entaun ema kaer Telemovel ne’e barak liu fali sidadaun iha Timor-Leste,” nia dehan.

Nia subliña, Telemovel agora mós la’ós hanesan tempu uluk mak, Alcatel no seluk-seluk tan. Ho ida ne’e, husi parte konsidera Telemovel agora Telemovel matenek, husi ida ne’e, tenke kuidadu.

Lee Mós :
KM Aprova Medida Protesaun ba Timoroan Iha Estranjeiru

“Labele Telemovel ne’e mak matenek liu ita, tanba nia naran ne’e Smartphone. Nune’e ita hakarak, ita ema mak matenek liu, kompara ho Telemovel Matenek nian, tanba ita mak utiliza se ita mak beik liu fali Telemovel Matenek ne’e, nia sei estraga ita-nia kakutak, tanba husi Telemovel Matenek ne’e ho ninia situs sira ne’e mesak oi-oin de’it, depende ba ita-nia utiliza,” nia hakotu.

 2,832 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timoroan Tenke Matenek Uza Smartphone” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No