DILI (Timor Post)- Primeiru Ministru (PM), Taur Matan Ruak, hamutuk ho membru Governu sira lansa ona fatuk dahuluk ba Biblioteka Nasionál, iha Hudi-Laran, Postu Administrativu Dom Aleixo, Munisípiu Dili.
Enkontru serimónia lansamentu fatuk dahuluk ne’e hahú iha tuku 9:00 dadeer OTL, ne’ebé lansa husi Primeiru Ministru, Taur Matan Rauk, akompaña husi Ministru Justisa, Ministru Ensinu Superiór Siénsia no Kultura, Ministru Edukasaun, Juventude no Desportu, Ministru Petróleu no Minerais, inklui mós Sekretáriu Estadu Arte no Kultura no Sekretáriu Estadu Komunikasaun Sosiál no mós Sekretáriu Estadu Kooperativa.
La’ós Primeiru Ministru ho nia alenku governu de’it mak partisipa iha serimónia ida ne’e, maibé mós partisipa husi Korpu diplomátika sira husi nasaun amigu sira ne’ebé iha Timor-Leste.
Antes lansa fatuk dahuluk, lia na’in Munisípiu Dili hamulak no hahi no hanai uluk ba lulik sira tuir Kultura Timor-Leste nian, hodi konstrusaun ne’e bele la’o ho susesu no laiha impendimentu ruma.
Konstrusaun Biblioteka Nasionál ne’e husi kompañia ENI nune’e mós kompañia refere mak finansia hotu ho osan montante millaun 10 USD.
Portantu fó hanoin fali mós katak, konstrusaun Biblioteka Nasionál iha Hudi-Laran ho rai nia luan 27 mill hectares kuadradu.
1,669 total views, 3 views today
Bele hare Video Seluk :