ADVERTISEMENT

Xanana-Horta Husu Públiku Ábitua Lee

Mario da Costa - Edukasaun
Reportajen : Jerimias Soares
Editor : Augusto Sarmento
  • Share

DILI (Timor Post)—Lider Nasionál, Kay Rala Xanana Gusmão, ho Prezidente Repúblika, José Manuel Ramos Horta, enkoraja timoroan sira atu hatoman lee livru atu nune’e bele iha koñesimentu.

Xanana no Horta koloka kestaun ne’e iha ámbitu Feira do Livro, “O livro é Uma Janela Para O Mundu” ne’ebé organiza husi Prezidénsia Repúblika no Ministériu Negósiu Estranjeiru, iha resintu Pallasu Prezidensiál Bairru-Pité, Sesta (15/07), hodi komemora aniversáriu tinan 26 nasaun CPLP nian.

ADVERTISEMENT
SCROLL FILA BA NOTISIA

Horta hatete, feira do livru ne’e intensaun buka kria interese ba leitura, tanba agora timoroan sira ladún lee.

“Sosiedade timorense ladún lee, se timoroan sira hothotu gosta lee, ne’e jornál sira bele produsaun boot liután, tanba agora sosiedade ita-nia ladún lee, jornál sira se mak lee, iha Dili balun lee, mais iha foho kuaze laiha, ne’e la’ós iha Timor de’it, rai barabarak iha mundu ne’e falta kultura leitura, tanba ne’e mak liu husi feira atu halo promosaun ba leitura, neineik ita bele haree ita nia sosiedade sei muda, hothotu gosta literatura, gosta poezia, no ohin ita rona maun boot Xanana nia poezia”, Horta informa.

Lee Mós:
Komisaun G-PN Aprova 224 Artigu ba Projetu Lei Artístika, Sintátika, Ortografia

Horta dehan, dezafiu ida mak presu ka folin livru, tanba ne’e oportunidade Governu nian para haree halo livru ne’ebé bele adaptadu ba labarik sira no ema ida-idak nia ekonomia.

“Livru tenke adaptadu ba labarik sira, livru tenke adaptadu mós ba ema-nia ekonomia, signifika produsaun livru ne’e labele karun”. Horta afirma.

Lee Mós:
Xanana ho Kardeál Virgílio Agradese Amu Papa Francisco

Iha fatin hanesan, liuhusi diskursu, Lider Karizmátiku, Kay Rala Xanana Gusmão, husu ba timoroan sira atu hatoman-an halo leitura mesak, nune’e bele iha koñesimentu hodi loke ema nia neon ba siénsia ne’ebé iha.

Líder Nasionál, Kay Rala Xanana Gusmão, diskursu hela, akompaña hosi Prezidente Repúblika, José Manuel Ramos Horta, Imajen Ego

Xanana afirma, nunka halo leitura iha universidade no la enfrenta kursu universitáriu, maibé liuhusi lee mesak nia manan koñesimentu ne’ebé lori valor ba moris sosiedade no nasaun nian. Hein katak ho feira livru ida ne’e bele motiva labarik sira jerasaun ohin loron nian kuda fini lee, tanba kultura lee livru ne’e importante.

Xanana mós parabeniza ba Prezidente Repúblika ba inisiativa murak ne’e, inklui parabéns ba ekipa ne’ebé organiza feira refere.

Lee Mós:
Moris Di’ak no Kualidade Professor Sai Prioridade ba Armindo Maia 

Entretantu, iha feira livru ne’e, lider karizmátiku Kay Rala Xanana Gusmão lori mós poezia tolu mak hanesan Mulher Negra, Liberdade no ikus liu mak kona-ba Jerações.

Feira livru ne’e Prezidénsia Repúblika no Ministériu Negósiu Estranjeiru no hetan husi MEJD, Embaixada Portugál, Institutu Camões, inklui organizasaun sosiedade sivíl lubuk ida hanesan Oxfam, Care Internasionál, Timor Aid no mós organizasaun no movimentu sira seluk. No feira livru ne’e partisipa husi estudante hotu ne’ebé mai husi munisípiu.

 697 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana-Horta Husu Públiku Ábitua Lee” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: