ADVERTISEMENT

Selebra Aniversáriu, FMA-TL Ho Indonézia Realiza Sertame ba Estudante Kristal

Mario da Costa - Edukasaun
Jornalista : Mariano Abi
Editor : Mário da Costa
  • Share

Dili (Timor Post) – Madre Saleziana Filhas de Maria Auxiliadora (FMA) Timor-Leste – Indonesia, kooperasaun serbisu hamutuk entre Instituisaun Edukativu Kristal-Fundasaun Kristal (IEC-FC), realiza sertame kona-ba Madre Mazzarelo, hodi selebra Aniversário na dala 150, ne’ebé hahú tinan 1872 to’o 2022, sertame ne’e hala’o iha salaun Fundasaun Kristal, Sábadu (16/07).

Sertame ne’e durante loron tolu, ohin halo abertura ba iha Ensinu Báziku 1°,2° no 3° sikulu, aban ensinu Sekundáriu, ho Institutu Superior Kristal (ISC), fakuldade Edukasaun no Saúde.

ADVERTISEMENT
SCROLL FILA BA NOTISIA


Tuir Madre Superior FMA, Evangelina Xavier, hatete objetivu ohin nian, Madre Saleziana FMA hakarak atu tulun estudante Kristal sira maka Primaria no Sekundária, atu bele koñese di’ak liu tan Madre Saleziana FMA sira-nia fundadór santan Maria Domingas Mazzarelo.

Nia afirma, Madre Mazzarelo hanesan Dom Bosco, dehan “Bainhira ita koñese mak ita hadomi, tanba ne’e, imi koñese barak liu Dom Bosco, maibé Madre Mazzarelo imi seiduak koñese di’ak”.

Lee Mós :
OMS Realiza Soru-mutu Nivel Alto Kona-ba Planeamentu Familiár

“Santa ida ne’e, ami mós selebra nia tinan 150 ba Fundasaun Institutu nian, nia mak nu’udar ami-nia superiora dahuluk, bainhira harii kongregasaun FMA iha Mornese, husi Dom Bosco nu’udar mós ami-nia fundador. Husi ida ne’e mak Madre sira halo Primeira Profisaun iha loron 05 fulan Agostu 1872, entaun tinan ida ne’e sei halo ba 150. Nune’e, atu koñese di’ak liu tan Madre Mazzarelo, nu’udar fundadora Dom Bosco nian ba FMA, tanba fundador ida de’it mak Dom Bosco, ba família selajiana, antigu alunu no antiga aluna, ami mak kooperadór. Ba família seleziana ilha tama ne’e fundadór ida de’it, maibé ami Madre FMA sira fundadora mak Madre Sta. Maria Domingas Mazzarelo,” nia afirma.

Nia subliña, Sta. Maria ne’e moris iha família ne’ebé simples, no iha Rai ki’ik oan ida naran Mornese, husi família agrikula maibé nia domin boot liu ba Maromak, tanba ne’e mak halo nia sai santa.

Lee Mós :
PNTL Detein Joven Ida no Husu Responsabilidade KRAM

“Sta. Domingas Mazzarelo ne’e, nia la aprende hakerek no estuda hanesan estudante sira, maibé tanba ninia domin boot no fiar boot ba maromak, husi ki’ik kedas nia husu ba ninia papa dehan, Saida mak maromak halo molok kria mundu. Nune’e nia papa hatan ba nia, Maromak kontepla nia aan, hadomi nia aan, no adora nia aan. Entaun husi liafuan ne’e, nia tau ba ninia Ulun no kontinua ba oin, katak Maromak mak di’ak liu buat hotu-hotu, nune’e, Maromak ida ne’e mak halo nia sai santa,” nia esplika.

Iha fatin hanesan Prezidente Ezekutivu Fundasaun Kristal, Agostinho dos Santos Goçalves, haktuir tan katak, agradese ba Madre Saleziana FMA sira, ne’ebé hanesan família Saleziano, no hanesan mós antigu alunu Dom Bosco, no na’in-10 ne’ebé harii Fundasaun Kristal, no hala’o Instituisaun Kristal, no Ensinu Báziku to’o Programa mestradu.

“Okaziaun ne’e mós ami agradese no fó parabens ba Madre Salesiana FMA, ne’ebé koopera serbisu hamutuk ho ami hodi bele halo sertame ne’e, kona-ba atu hatene kle’an historia Sta. Maria Auxiliadora ne’ebé harii kongregasaun Maria Auxiliadora iha família Saleziano nian,” nia relasa.

Lee Mós :
Asidente Grave Madrugada, Joven Feto Ida Sein Identidade Baixa iha HNGV

Nia hatutan, foin primeira vez, ne’ebé tinan 38 Kristal harii, sempre konvida Madre Salesiana FMA sira atu fó Bom tornu hanesan Relijiaun, antes tama eskola, nune’e mós sira fó formasaun ba estudante sira.

“Husi ida ne’e mak, agora sira halo sertame, ne’e importante la halimar, tanba oinsá eduka foin sa’e sira, hodi moris tuir ita-nia fiar hanesan sarani. No haree mós katak, Dom Bosco ne’ebé hanorin ba joven sira no sarani Saleziana sira katak, atu eduka ema atu sai sarani di’ak no sidadaun ne’ebé onesti,” nia firma.

 2,609 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Selebra Aniversáriu, FMA-TL Ho Indonézia Realiz…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No