DILI (Timor Post)–Primeiru Ministru (PM), Taur Matan Ruak husu ba Ekipa Konjuntu ne’ebé foti vendedór nia sasán iha rotunda Komoro horisehik, tenke esplika ba sira, labele halo agresivu demais.
Nia hatete, ema hotu hatene, iha tempu kotuk ba kuandu Prezidente Autoridade nomea, hanesan Primeiru Ministru, bolu nia ba iha Faról, ho kestaun ida mak oinsá atu kontrola sidadaun sira-nia fatin fan sasán nian.
“Ha’u-nia pedidu mak ida ne’e, enkuantu sira fan iha fatin ne’ebé la interrompe movimentu sidadaun sira nian ba mai labele book sira, se book tenke esplika ba sira, mais labele halo agresivu demais”, nia dehan hafoin remata enkontru ho Xefe Estadu iha Palásiu Prezidensiál, Bairru-Pité, Kinta (07/07).
Xefe Governu ne’e afirma, la’ós bandu sira labele fan sasán, maibé fan iha fatin ida ne’ebé seguru no movimentu ladún ameasa hosi engarrafamentu.
“Ha’u husu ita dixiplina uitoan, hanesan ita iha uma mós ita fó dixiplina ba ita nia oan sira, entaun iha ita-nia sidade mós ho dixiplina”, nia hateten.
Nia dehan, iha fatin balu bele fan, mais iha fatin balu labele fan, tanba ema ruma lanu sama balu iha estrada laran, atu tau sala ba se.
1,058 total views, 6 views today
