DILI (Timor Post)—Timor-Leste Pre-School Construction Program Australian Council for International Development (ACFID), liuhusi programa education future, ohin hasoru malu ho Prezidente Repúblika, José Manuel Ramos Horta, hodi diskute kona-ba planu kontinuasaun konstrusaun ba edifísiu Pre-eskolár públiku iha territóriu Timor laran.
Adam Hedgedus hanesan Xefe Education Future, hatete objetivu husi hasoru malu ho Prezidente Repúblika, hodi hato’o planu programa education future ne’ebé iha tempu mai sei kontinua halo konstrusaun ba edifísiu pre-eskolár iha territóriu Timor laran.
“Ami servisu hamutuk ho Ministru Edukasaun, Juventude no Desportu (MEJD), atu identifika fatin sira no ami-nia foku ne’e atu hadi’a Pre-Eskolár Públiku sira ne’ebé presiza tebes iha territóriu Timor laran” Nia informa hafoin hasoru Xefe Estadu iha Palásiu Prezidensiál, Tersa (05/07).
Nia haktuir, kona-ba konstrusaun ne’ebé sira halo mak hanesan sala de aula rua (2) ba alunu sira, no sala de aula ida ba profesór sira.
“Agora ami halo ona konstrusaun ba pre-eskolár lima iha Munisípiu Aileu, Ermera, Likisá, Baukau, maibé ami iha planu hakarak harii pre-eskolár hamutuk 350 iha Timor-Leste, tuir planu husi programa education future”, nia promete.
Kona-ba montante orsamentu ne’ebé sira aloka ba programa ida ne’e hamutuk 45.000,00 USD to’o 50.000,00 USD kada eskola ne’e inklui ona ho eletrisidade no fasilidade sira seluk.
“Vizaun ho misaun ne’e atu enpodera edukasaun iha Timor liuliu ba labarik sira hodi konstrui edifísiu pre-eskolár ne’e rasik, tanba haree ba labarik sira iha Timor 60% ne’ebé ladún asesu ba pre-eskolár ho razaun ida ne’e mak ami foku liubá edukasaun pre-eskolár ne’e bele ajuda labarik sira bele asesu edukasaun pre-eskolár”, nia informa.
Alende ida ne’e mós sira konstrui pre-eskolár hanesan NGS no korajen komunidade sira katak importánsia husi pre-eskolár ne’e importante tebes depois ne’e mak foin afeta ba edukasaun ne’ebé aas tanba edukasaun pre-eskolár hanesan edukasaun ida ne’ebé báziku oinsá mak atu forma labarik sira-nia karakter no mós sira-nia mentalidade.
2,894 total views, 6 views today
Bele hare Video Seluk :