ADVERTISEMENT

Fahe Rezumu Matéria ba Estudante

  • Share

DILI (Timor Post)—Ministériu Edukasaun, Juventude no Desportu (MEJD), garante sei fahe rezumu material hotu-hotu ba estudante sira iha territóriu laran tomak.

Diretór Jerál Planu Polítika no Inkluzaun MEJD, Odília das Dores Ung Martins, hatete komunidade balu la asesu ba televizaun para labarik sira akomapana programa eskola ba uma, maibé MEJD iha mekanizmu hodi responde labarik sira ne’e.

ADVERTISEMENT
SCROLL FILA BA NOTISIA

“Ami hamutuk ho manorin sira halo rezumu material kada dixiplina maka ami fornese ba estudante até area remotas. MEJD garantidu foin lalais ami-nia ekipa lojístika distribui hotu ona ba area sira ne’e. Atu dehan distribuisaun matéria sira ne’e ami fó ona ba eskola refere,” nia hatete iha edifísiu RTTL.E.P Kaikoli, Tersa (31/08).

Lee Mós:
Dom Virgilio Cardeal Tau Fatuk Dahuluk ba Edifísiu Foun UCT

Nia hatutan, agora koordenasaun entre manorin sira ho inan-aman tenke di’ak hodi labarik sira bele ba foti matéria tanba MEJD distribui ona balu ba eskola sira.

“Ha’u hanoin ami presiza bolu atensaun nafatin ba iha manorin sira inklui inan-aman atu bele apar ho asuntu ida ne’e,” nia haktuir.

Nia haktuir, distribuisaun rezumu la’ós material hotu-hotu tanba matéria balu ekipa produsaun sei halo hodi produs mak foin distribui ba eskola sira.

“La’ós matéria hotu, ami tama ona iha faze finaliza mais ami atu dehan iha matéria balu distribui ona. Manorin kontinua nafatin prepara rezumu para depois ami distribui tuir fila fali,” nia dehan.

Antes ne’e, Dirijente Eskola Iha munisípiu Dili husu ba Ministériu Edukasaun, Juventude no Desportu (MEJD) atu fahe ona rezumu ba eskola sira hodi fó ba estudante tanba situasaun pandemia Covid-19 sei la hotu iha Timor-Leste.

Lee Mós:
Komemora Loron Padroeiru, IEC-FC Lori Illas Kristu Na'i Liurai Haleu Munisipiu

“Ami eskola balu seidauk hetan rezumu matéria, sira tenke fahe lalais tanba ita la hatene konfinamentu obrigatóriu jerál bainhira mak hotu,” Diretór eskola ESTV Hera, Francisco Fernandez hatete ba Timor Post liuhusi telefone, Domingu (29/08).

Nia dehan, foin daudauk MEJD distribui ona rezumu balu ba edukasaun munisípiu sira, maibé agora eskola balu to’o agora seidauk hetan rezumu.

“Ha’u hanoin implementa konfinamentu obrigatóriu di’ak ba ita-nia Saúde, maibé labele mós sai hanesan dezafiu hotu-hotu tanba vida moris ne’e inklui ho edukasaun,” nia hatete.

Lee Mós:
MEJD Presiza Halo Avaliasaun Ba Eskola Sira

MEJD presiza haree oinsá familiarizmu edukasaun ho situasaun pandemia Covid-19 hodi labele hamosu dezafiu ba atividade letiva nian.

Iha fatin hanesan, Diretór eskola ESJ 10 de Dezembru, Domingos Savio Gusmão, reforsa MEJD tenke produs nafatin rezumu hodi distribui ba eskola para profesór bele fahe ba estudante atu estuda iha uma.

“Ita lahatene bainhira mak númeru pozitivu tun para labele aplika ona konfinamentu obrigatóriu. Ita haree kuandu númeru KO mós sei kontinua, entaun sira tenke produs rezumu to’o tinan ida para fó ba estudante iha uma,” nia dehan. (ono)

 276 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fahe Rezumu Matéria ba Estudante” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: