Jornalista Isabel Ermelita
DILI (Timor Post)-Tuir ajensia internasional UNESCO, katak tinan ida iha inisiu pandemia covid-19, kuaze metade alunu sira iha mundu sei afetadu kauza husi taka eskola parsial ou taka totalmente, no labarik adisonais liu millaun 100 maka sei monu ba nivel profinsia minimu iha leitura kauza husi krize saude.
Atu buka solusaun ba krize ida ne’e, iha Junu 12 tinan 2021 ne’e, realiza online terseiru workshop Empoderamentu Juventude ba Paz (YEPW), ne’ebe partisipa husi joven nain 35 husi organizaun juventude husi nasaun hitu (7) inklui mos Cameroon, Sudão du Sul no Timor-Leste.
Portantu, fokus ba tipu edukasaun non-formal saida maka nesesariu iha kada nivel komunidade, parte ida maka diskusaun kona ba edukasaun non-formal ONG no parte segundu maka introdusaun ida kona ba edukasaun paz HWPL no aprezentasaun ida sobre nesesidade edukasaun paz nian. Edukasaun paz HWPL iha kurikulu espesifiku ne’ebe bele eduka kona ba harmonia no paz entre individu, komunidade, natureza, ema no jerasaun, ho objetivu atu promove sidadaun paz no halo paz sustentavel liu tan.
Bazeia ba press release ne’ebe Timor Post hetan asesu, katak iha primeiru no segundu YEPW, hanoin katak edukasaun paz tenke hahu uluk ho edukasaun kualidade ne’ebe hanesan, no edukasaun non-regular presiza duni atu rezolve infraestrutura edukasaun global ne’ebe kolekta husi partisipante sira.
Diretor Ezekutivu Forum Non-Govermental Timor-Leste (FONGTIL), Daniel Santos do Carmo, ne’ebe partisipa iha forum ne’e, aprezenta sistema edukasaun ba foinsa’e sira iha komunidade, esplika sistema ensinu atual iha Timor-Leste no kestiona papel ONG sira atu halo revitalizasaun ba edukasaun foinsa’e sira. (Bele lee notisia seluk iha jornal Timor Post)
2,141 total views, 3 views today
Bele hare Video Seluk :