ADVERTISEMENT

Kada Klubu simu Subsidiu Rihun $5 hodi Partisipa Kopa FFTL

Timor Post - Desportu
  • Share

Timor Post (18/08/2020)-Vise Prezidente Federasaun Futeból Timor Leste, Frederico Martins hatete, kada klube ne’ebé partisipa iha kopa FFTL sei hetan subsídiu osan rihun-5 no rihun-15 ba prémiu ba primeiru lugar.
“Ohin ami halo enkontru ikus alokasaun orsamentu ba iha kopa FFTL, no totál osan ba iha kopa ne’e $200 mil no $100 mil ba subsídiu klube sira diretamente, klube ida $5 mil. Maibé depois jogu ne’e remata klube ne’ebé mak sai kampiaun no segundu, terseiru no kuartu lugar ne’e mós sei hetan tan Karik ba oin mak mudansa ka aumenta tan orsamentu ba Kopa FFTL mak sei fó fali informasaun”, Frederico informa ba Timor Post iha dada lia iha Kampu Demokrasia, Tersa (18/08).
Frederico akresenta sei iha mós prémiu ba man off the match (melor jogadór) no prémiu ne’e sei entrega hosi Páteo ho montante 100 dolar, ne’ebé sei hili hosi diretór tékniku FFTL Brazileiru atu evita hili malu.
Frederico adianta katak oitavu finais kopa ne’e sei hala’o iha Ermera, ne’ebé FFTL aloka mós orsamentu rihun-10, ba kada klube sei hetan $1.250 hodi ba joga iha munisípiu, no hahán no transporte sei deside iha enkontru jerál Kuarta (19/08).
Ba prémiu Frederico adianta katak $15 mil ba iha primeiru lugar, $10 mil ba iha segundu lugar, $7 mil ba iha terseiru lugar no $2.500 ba iha kuartu lugar.
Enkuantu osan sira ne’e mai hosi federasaun FFTL rasik suporta hosi FIFA, AFC no AFF.
Klube ne’ebé sei kompete maka Lalenok United FC, Assalam FC, D.I.T. FC, Santa Cruz FC, As Ponta Leste, Atlétiku Ultramar, Nagardjo FC, Fitun Estudante, no AS Marca.(Jornalista: Jaime Pires)

 220 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kada Klubu simu Subsidiu Rihun $5 hodi Partisip…” A few seconds ago
Lee Mós:
Abrão: Subsídiu Ba Klube Kontinua
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: