Dili (timorpost.com)—Xefe Bankada Partidu Uniaun Demokratika (UDT), Deputadu Francisco David, husu ba Grupu Arte Marsiais (GAM) no Arte Rituais sira la bele sai instrumentu ba Polítika sira.
Nia dehan, arte marsiais no arte rituais la bele sai instrumentu ba polítiku sira, tanba governu liuhosi Sekretariu Estadu Juventude no Desportu (SEJD) aprova orsamentu Milaun 2.5 USD ba atividade sira no mós halo Sede ba sira.
“Maibé ita haree katak ultimamente iha tendénsia arte marsiais no arte rituais uza sira nia atributu hodi ba apoiu partidu polítiku sira, ho nune’e ha’u husu ba arti marsiais no rituais sira labele sai instrumentu ba polítika sira, maibé tenke tau imi nia-an iha nia fatin”, Francisco David, nia intervensaun iha plenaria Parlamentu Nasionál, Segunda (20/03).
Nia hatete, ne’e la’ós edukativu ba nasaun ida ne’e, tanba nasaun ida ne’e la’ós arte marsiais mak ukun, buat hotu tenke tau aparte.
“Tanba ne’e ha’u fiar katak, estatutu arte marsiais sira ne’e hotu la hodi arte marsiais tama partidu polítiku, maibé sira ba nu’udar indivíduu”, nia tenik.
Arte marsiai ne’e mós mosu ho dekretu governu, se la halo tuir nia dalan fasil los ba governu ida mai ne’e bele haruka taka fila fali.
1,923 total views, 6 views today
Bele hare Video Seluk :