DILI (timorpost.com) — Ministru Edukasaun, Juventude no Desportu, António Armindo, Tersa (20/12), inaugura toilet ba ema ho defisiénsia nian ne’ebé UNICEF halo iha edifísiu Sekretáriu Estadu Juventude no Desportu (SEJD), Lesidere.
“Ha’u hakarak fó ha’u-nia agradesimentu ba Sekretáriu Estadu Juventude no Desportu ho nia parseiru dezenvolvimentu UNICEF ho nia apoiu no servisu hamutuk konsege konstrui ona fatin asesibilidade ba ita-nia joven no adolexente sira ne’ebé moris ho defisiénsia,” nia diskursu iha edifísiu SEJD Lesidere.
Ho ida ne’e nia parte husu ba joven adolexente sira no ema ho defisiénsia sira hotu bele mai asesu fatin asesibilidade ne’ebé SEJD ho nia parseiru UNICEF konstrui ona iha rejistu Sekretáriu Estadu Juventude no Desportu, Lesidere ne’ebé daudaun ne’e ita halo ona inaugurasaun.
“Ho finalizasaun infraestrutura ida ne’e maluk joven adolexente sira no mós ema ho defisiénsia sira ne’ebé atu mai kria atividade ruma iha resintu SEJD, bele asesu ba fatin sira ne’ebé durante ne’e difikulta tebes ba sira atu asesu, hanesan fatin salaun enkontru kampu Volley Ball no Basket Ball inklui hariis fatin sira,” dehan nia.
Tanba ne’e ho fatin asesibilidade ne’ebé agora inaugura iha edifísiu estadu SEJD nian ne’e bele sai hanesan motivasaun ida ba instituisaun sira hotu iha rai laran tantu instituisaun públiku no privadu sira hotu atu nune’e iha edifísiu sira hotu bele kontempla fatin asesibilidade.
“SEJD hanesan sentru ida ba atividade juventude no desportu nian iha Dili, entaun konstrusaun fatin asesibilidade ida ne’e di’ak tebes tanba bele fasilita ita-nia joven no adolexente sira ne’ebé moris ho defisiénsia ne’ebé mai partisipa atividade juventude ka desportu bele asesu iha no konstrusaun públiku sira iha resintu SEJD ninian,” nia hakotu.
Enkuantu fatin asesibilidade ne’e Governu liuhusi sekretáriu estadu juventude no desportu (SEJD), servisu hamutuk ho UNICEF, no UNICEF mak halo konstrusaun no ohin halo inaugurasaun nune’e mós entrega kedas ba Governu.
1,731 total views, 3 views today
Bele hare Video Seluk :
Subscribe to Timorpost
