Dili (timorpost.com) – Rezultadu jogu iha Kopa Mundiál 2022 nian horikalan Kuarta (23/11), halo novidade kontente sai ba triste tanba asaun husi samurai Japaun konsege hamonu Alemaña ho rezultadu 1-2, duel iha grupu E iha Estádium Internasionál Khalifa.
Jogu ne’e hahú bele hatete kapás tebes, bele dehan mós liu fali espetativa, Alemaña domina tebes iha jogu ne’e, maibé Japaun bele halo Alemaña hakfodak bainhira hetan oportunidade.
Parte dahuluk Alemaña hetan sorte husi penalti ne’ebé Ilkay Gundogan, mak sai hanesan eksekusaun na’in no ikus iha valor. Iha minutu hira nia laran jogu la’o di’ak, maibé to’o ikus mai Ritsu Doan (75′) no Takuma Asano (83′) fila fali score husi Alemaña 1-0 Japaun sai ba 2-1 Alemaña.
Rezultadu ida-ne’e hanesan mehi meiudia nian ne’ebé la di’ak ba Alemaña, tanba konsidera kompetisaun iha Grupu E prevee katak sei forte tebes ba faze knockout. Ba Japaun, ho pontu tolu sei ajuda tebes sira.
Rezultadu husi jogu ne’e mós sai hanesan rejistu dahuluk ba Japaun no Alemaña.
Japaun nu’udar ekipa ida husi Azia ne’ebé sempre mosu beibeik iha kompetisaun Kopa Mundiálial, maibé sira-nia performa bele hatete ladún di’ak. Japaun dala-barak lakon klase ba ekipa rival ho kualidade aas liu.
Iha minutu hirak nia laran ne’e mós prevee katak Japaun sei manán husi Alemaña, maibé sira konsege hakotu espetativa negativu ne’e. Ba dala primeiru iha istória sira-nia prezensa iha Kopa Mundiál, Japaun manán fali maski Alemaña mak konsege hatama uluk.
Tuir Karta Opta, ida-ne’e mak primeiru-vés ne’ebé Japaun bele manán, maski Alemaña konsege harahun sira uluk. Tuir istori katak Japaun antes sira lakon dala-7 no empata dala-2.
Rezultadu ida ne’e sai hanesan Primeiru ba Japaun no ida-ne’e mós ba Alemaña. Ungula uluk la signifika Alemaña bele manán kompetisaun.
1,875 total views, 3 views today
Bele hare Video Seluk :
Subscribe to Timorpost
