DILI (Timor-Post) – Governu liuhosi Sekretaria Estadu Juventude no Desportu (SEJD), hala’o abertura ba kampeonatu nasionál Federsaun Atletizmu Timor-Leste ba tinan 2022.
“Ita Realiza tan Kampeonatu Nasionál ba Atletizmu atu selesiona atleta potensiais ba jogu Internasionál rua ne’ebé sei mai, ida mak jogu Sudeste Áziatiku Asian Games ne’ebé sei halo iha tinan oin iha fulan Maiu no tinan tuir mai ita sei perpara mós atleta ba jogus ne’ebé ita mak sei uma na’in iha 2024” diskursu Sekretáriu Estadu Juventude no Desportu, Abrao Saldanha, iha Estadium Munisipál Dili, Tersa (16/08).
Nia dehan, esperansa Governu nian ba kampeonatu nasionál ne’e mak atu hetan atleta potensiál boot liu atu núne’e bele aumenta tan osan mutin ou sé lae osan mean iha eventu Internasionál sira.
Núne’e mós Prezidente Federsaun Atletizmu Timor-Leste, Afranio Xavier, afirma kampeonatu nasionál ida ne’e hanesan mós meus ida para atu tais no define atleta sira ne’ebé bele reprezentanta Timor-Leste iha jogus Internasionál ne’ebé hanesan Sea Games ne’ebé sei realiza iha tinan oin.
“Ohin ita realiza Kampeonatu Nasionál ba tinan 2022 nian ne’ebé prezensa hosi Munisípiu 13, kada Munisípiu ida ho nia forsa Treinadór ida, atleta 4, feto rua no mane rua”, tenik nia.
Entretantu kampeonatu nasionál ne’e sei hala’o durante loron rua hahú ohin loron 16 to’o 17 fulan ne’e.
1,521 total views, 12 views today
Bele hare Video Seluk :
Subscribe to Timorpost
