ADVERTISEMENT

Atleta Teófilo ho Ekipa Rekolla Medalla Osan Mean-3 no Mutin-1

Mario da Costa - Desportu · Internasional
Jornalista : Jaime Pires
Editor : Mario da Costa
  • Share
Atleta Timoroan, Teófilo Freitas, imajen Esp.

DILI (Timor Post)- Atleta Teofilo Freitas ho nia Ekipa ne’ebé ba partispa jogu Asean Para Games iha Solo Indonézia, konsege rekolla ona medalla osan mean-tolu no mutin-ida.

“Ami konsege hetan ona medalla osan hamutuk (4), osan mean-tolu no mutin-ida, husi Federasaun Tenis Meza nian hetan medalla osan mean rua, no Atletizmu hetan medalla osan mean ida no mutin ida,” dehan Atleta Teofilo Freitas ba Timor Post liuhusi WhatsAap, Kuarta (03/08) dadeer ne’e.

ADVERTISEMENT
SCROLL FILA BA NOTISIA


Lee Mós :
FKTL Hetan Konvite Husi Indonézia

Nia reforsa tan, medalla osan mean ne’ebé nia hetan ne’e halai distansia (1500m) hamutuk ema na’in-lima mak hadau malu maibé nia mak konsege sai Primeiru Lugar hodi hetan medalla osan mean ba Timor-Leste.

“Ami hamutuk na’in lima mak halai na’in rua husi Tailándia, ida husi Indonézia no ida tan husi Malázia, maibé ha’u mak konsege sai Primeiru lugar hodi hetan medalla osan mean,” deklara nia.

Nia subliña, hafoin hetan medalla osan mean hodi oferese ba nasaun, nia parte sente kontente no kaman ona todan ne’ebé nia hodi, maski durante halo preparasaun mínimu tebes ba kompetisaun ne’e.

Lee Mós :
Atleta Felizarda Sai Manan Na’in Iha Jogu Espesiál Olympic 2023

“Ha’u sente kamaan ona bele rekolla medalla, maski preparasaun minimu maibé iha rezultadu ne’ebé di’ak no hadi’a ha’u-nia Rekor uluk halai 4.29 minutu agora tun ba 4.27minutu iha Distansia 1500m,” nia informa.

Nia mós hateten tan, horisehik mak sira foin kompete konsege manan ona medalla, no orsida sei kompete tan ba 400m no aban kontinua kompete ba 800m.

Lee Mós :
Tinan-20 Ukun-An, Tempu Atu Kompete La'ós Ona Preparasaun

“Kona-ba orsida no aban atu halai tan ne’e, rezultadu finál mak bele deside ita manan ka lakon, maibé nu’udar lutador Ami sei ho forsa tomak hodi kompete, atu hamorin Timor-Leste nia naran,” nia promete.

 2,314 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Atleta Teófilo ho Ekipa Rekolla Medalla Osan Me…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No