Dili (Timor-Post) – Sekretáriu Jerál (Sekjer) Federsaun Futeból Timor Leste (FFTL), Gregorio Correia, lekar Komité Olimpiku Nasionál Timor-Leste (CONTL), ninia falla iha Sea Games, edisaun 31 iha Hanoi Vietname.
Relasiona ho jogu Sudeste Áziatiku (Sea Games) ba edisaun 31 ne’ebé realiza iha Hanoi Vietname, iha fulan Maiu foin lalais ne’e FFTL konsidera regras ne’ebé CONTL halo la di’ak no failadu tanba imigrasaun trava tiha atleta balu iha Vietname.
“Ne’e falla totál CONTL lori ami-nia atleta ba imigrasaun mós tahan tiha, ami husu para sira atu ba de’it ko’alia mai mós susar”, Nia hateten iha edifisiu CDTL Kaikoli, Segunda, (01/08/2022).
Nia dehan, tuir loloos FFTL atu lori 25 jogador, maibé dehan labele tanba regras ne’e hatete 18 de’it, ne’e mós falla hotu.
Nia esplika, tuir loloos CONTL bele fó regulamentu sira kona-ba jogu ne’e ba Federasaun sira antes fulan ida atu arranka.
“Ohin ne’e ami mós husu ba CONTL se bele regulamentu ne’e antes fulan ida atu ba ne’e fahe hotu ba ami liuliu ba FFTL tanba bola ne’e ninia regras la hanesan CONTL kria, tanba ita durante ne’e perpara jogador mínimu 28 no masimu 32”, nia relata.
Ikus liu nia mós husu ba CONTL atu serbisu hamutuk ho Federsaun hotu ne’ebé iha Timor Leste.
Entretantu Sea Games ba edisaun 31 ne’e Timor-Leste partispa ho Modalidade 7 kompostu hosi, Futeból, Taekondow, Natasaun, Atletismu, Karate-do, Halterofelismu, no Boxe.
Iha evntu ne’e mós kontijente Timor-Leste susesu konkista Medalla 5 kompostu hosi medalla osan mutin 3 no osan metan 2.
1,881 total views, 3 views today
Bele hare Video Seluk :
Subscribe to Timorpost
