Dili (Timor Post) – Atleta Felisberto de Deus, hosi Modalidade Atletizmu, susesu konkista Medalla rua iha eventu rejionál Asian University Games (AUG) ba dala-20 ne’ebé Realiza iha Ubon Ratchathani Tailandia 2022.
Medalla 2 ne’e kompostu hosi osan metan ida no osan mutin ida.
Medalla osan metan ne’e Felisberto de Deus konkista iha loron 28 fulan Jullu tinan ne’e, hafaoin susesu sai terseiru lugar iha korida metro 10.000.
No ohin loron (30/072022) Atleta orijen husi Munisípiu Ermera ne’e susesu konkista tan Medaila osan mutin ida hafoin susesu sai segundu lugar liuhosi korida metro 5000.
Tinan ne’e Timor-Leste Partisipa iha Asian University Games (AUG), ho Modalidade 4 ho totál atleta hamutuk 13.
Atleta 13 ne’e kompostu hosi Modalidade Atletizmu na’in-2, Taekwondo nian-3, Voly Praia na’in-4 no Xadres nian-4.
Entretantu Asian University Games, ne’e nu’udar eventu rejionál ne’ebé realiza kada tinan 2 dala ida no partisipa hosi atleta universitáriu sira hosi nasaun 11 iha Asean hanesan, Tailândia, Myanmar, Brunei, Indonézia, Filipina, Laos, Cambodia, Singapura, Malaysia, Timor-Leste.
1,870 total views, 9 views today
Bele hare Video Seluk :