DILI (Timor Post)- Jogadór selesaun nasionál Sub-16, ohin arranka ona ba Korea Súl hodi halo preparasaun ba jogu AFF CUP, ne’ebé sei realiza iha Bahrain tinan ida ne’e.
“Ita nia jogadór sira sei arranka orasida tuku 12:00 meiudia ne’e, no sira sei ba lei kedas iha Korea hosi halo preparasaun molok ba kompete iha AFF,” dehan Sekretáriu Jerál Federasaun Futeból Timor-Leste, Grigorio Correia ba Timor Post, iha Bairru Grilhos, Sesta (24/06).
Nia hatete, jogadór sira agora prepara hotu ona iha FFTL, hodi arranka ba Aeroportu. Ekipa ne’ebé atu arranka hamutuk na’in 32, kompostu hosi ofisiál hamutuk na’in 5 no jogadór mak hamutuk na’in 27.
“Ekipa ne’e horisehik hasoru ona Sekretáriu Estadu Juventude no Desportu no halo ona despedida, sira sei halo preparasaun durante fulan ida, depois mai joga tray out hasoru Indonézia hafoin arranka ba Bahrain,” hakotu.
2,260 total views, 3 views today
Bele hare Video Seluk :
Subscribe to Timorpost
